AMARANTE Setem, o Sindicato Labrego Galego e o grupo de consumo As Grelas organizan o Día Internacional do Comercio
Xusto 2013 co lema “Mulleres na defensa do comercio xusto no Norte e no Sur”
Paneis informativos da situación da muller, actividades en lembranza das vítimas de Bangladesh, mercados transparentes, mesas redondas entre grupos de consumo e produtoras e café xusto serán as actividades que realizarán
Co lema “Mulleres na defensa do comercio xusto no Norte e no Sur”, a Asociación AMARANTE Setem, o Sindicato Labrego Galego e o grupo de consumo As Grelas organizan a Semana Galega de Comercio Xusto cunha serie de actividades en Ribadeo nas que se visibilizarán o traballo feito polas mulleres na loita pola igualdade e en defensa dun comercio xusto.
A situación da muller
A lacra de accidentes e de mortes no sector da confección global, onde a derradeira traxedia en Bangladesh morreron mais de 700 persoas no derrubamento na fábrica do téxtil Rana Plaza (e que con toda probabilidade chegará ás 900), sendo a maioría mulleres, deixa ó descuberto os abusos e a pouca importancia que se lle da a un sector fortemente feminizado, sendo case o 85% das persoas traballadoras mulleres. A deslocalización do téxtil exportou un modelo discriminatorio coa muller, de explotación e de abuso onde se siguen rexistrando intimidación, abuso sexual, e explotación infantil.
No sector da alimentación podemos dicir que aínda non foron equiparados os dereitos de homes e mulleres nos dereitos da terra e de produción, cando suelen ser as mulleres as que traballan a terra, a titularidade da actividade económica e incluso da terra está en man dos homes.
Dende o seu inicio o comercio xusto estivo na vangarda da defensa da muller, na promoción de reformas xurídicas e políticas e do apoio a proxectos que melloren o poder económico das mulleres e ampliación das súas opcións de vida. O empoderamento das mulleres demostrou que contribúe á saúde e a produtividade das familias e de comunidades enteiras e unhas mellores perspectivas para as seguintes xeracións.
Por iso no Día Internacional do Comercio Xusto denuncian e solidarízanse coas vítimas dos últimos accidentes en Bangladesh e demandar o apoio á sociedade para que as marcas asinen o Acordo de Seguridade nas fábricas neste país. Porán candeas en memoria das vítimas, repartirán información sobre as mortes neste sector e as marcas involucradas.
E doutra banda visualizarán outro modelo de comercio e mostrarán outro xeito de entender o mercado a través do traballo e de experiencias de éxito de actividades onde a muller é o centro tanto no Norte como no Sur con paneis sobre testemuños e exemplos de Ecuador, India, Chiapas e Galiza.
ACTIVIDADES
Para visualizar estas situacións de comercio xusto e ofrecer alternativas éticas organizáronse as seguintes actividades en varias cidades galegas vencelladas ao Día Internacional do Comercio Xusto na que tamén participan outros colectivos, e onde se exporán paneis informativos sobre a realidade da muller:
MERCADOS TRANSPARENTES
Na que se exporán produtos locais de produtos de comercio xusto.
RIBADEO:
Sábado 11 de maio. Praza de Abastos
Hora: de 10:30 a 14 h.
Organizan: Amarante Setem, Sindicato Labrego Galego e As Grelas
Acción de rúa: candeas en memoria das vítimas do derrebumento na fábrica téxtil en Bangladesh
MESA REDONDA:
“Consumindo confianza. Encontro de grupos de consumo responsábel”. As Grelas, Karricanta, A Casa Azul.
Hora: 12:30-14:00 horas
Un produto emblemático da nosa sociedade: o azucre.
Todos os anos a Coordinadora Estatal de Comercio Xusto elixe un produto característico da sociedade actual para pór de relevo o que se agocha detrás da sua produción e ao mesmo tempo destacar as vantaxes de consumir comercio xusto, e neste ano 2013 o produto elixido é o azucre.
A historia e realidade do azucre remítenos á dun sabor básico, doce, así como aos seus valores positivos asociados, pero tamén aos tempos da escravitude, á explotación laboral nas plantacións de cana ou ás desigualdades e amarga pobreza que hoxe seguen caracterizando a súa produción e comercio. O consumo mundial medio de azucre por habitante rolda hoxe os 24 quilogramos anuais, máis de 30 nos países enriquecidos. A industria do azucre é hoxe un complexo sistema comercial no que interveñen, entre outros moitos actores e etapas, labregos, muíños, refinerías, exportadoras, importadoras, distribuidores de todo tipo, normativas, acordos comerciais, empresas transnacionais e mercados financeiros nos que se fixa o seu prezo internacional. O comercio globalizado de azucre e os seus derivados xera 70.000 millóns de dólares anuais e está copado por unha presa de empresas transnacionais, algunhas delas en activo desde os tempos da escravitude.
O azucre de Comercio Xusto asegura salarios dignos e iguais tanto para homes como para mulleres, a ausencia de explotación laboral, especialmente a infantil que adoita estar presente neste tipo de plantacións, uns prezos de compra xustos para os seus produtores, a non utilización de transxénicos e produtos químicos agresivos nos cultivos, a durabilidade das relacións comerciais entre produtores do Sur e importadoras do Norte, a prefinanciación das colleitas e o respecto pola biodiversidade.
Coincidindo co aniversario do nacemento de Rosalía e da morte de Cunqueiro, o restaurante ribadense ofrece unha versión do Caldo de Gloria e dous pratos inspirados na obra gastronómica do mindoniense —empanada e ostras en escabeche— como forma de achegar a literatura galega á mesa.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
