O aspirante á secretaría xeral do PSdeG, José Ramón Gómez Besteiro, presentou hoxe o seu proxecto para o partido ante a militancia de A Coruña e lamentou a actual situación “sen horizonte” que está a vivir Galicia co goberno do PP. O socialista afirmou que “o PSdeG terá moito que dicir nesta nova etapa” na que “os socialistas debemos decidir se queremos marcarlle liñas vermellas aos mercados e devolverlle poder e capacidade de decisión ao Estado” porque “a perda desta capacidade é o que nos levou a esta situación”. Nesta liña, Gómez Besteiro avogou por “volver situar o Estado por riba do Mercado para solucionar os problemas das persoas” e “explorar as posibilidades de que a administración, que somos todos, participe nos sectores estratéxicos do país”.
O socialista lembrou que as grandes privatizacións que fixo o PP (Endesa, Repsol) baixo o compromiso de que os servizos serían máis competitivos e baratos para os usuarios “resultou ser un engano para a economía real” das persoas, e destacou que unha maior participación pública permite tamén novos modelos económicos. “Por exemplo, é posible a participación dos traballadores nos beneficios e resultados das empresas. Está recoñecida ata pola Unión Europea a estreita vinculación entre as formas participativas e a mellora da produtividade”, afirmou.
Ante a actual situación económica e social, o lucense chamou a “rebelarse contra o xogo da dereita, que é convencernos de que desde Galicia non podemos facer nada, porque temos todas as posibilidades se hai un proxecto económico de país, e se todos cremos realmente niso”. Para logralo, Gómez Besteiro reivindicou ante a militancia levar a cabo unha “política de contaxio” para “recuperar a confianza de todos os progresistas de Galicia, que somos lexión”. Como exemplo da falta de proxecto, Besteiro destacou que “o 80% do territorio galego non está a ser produtivo neste momento, un luxo que non se pode permitir”, polo que chamou aos actuais gobernantes a “ser máis xenerosos, máis serios, con maior altura de miras e pensar dunha vez por todas en políticas a longo prazo, e non só nos réditos políticos inmediatos e no beneficio dos intereses duns poucos”.
A Coruña como exemplo de cidade que creceu co socialismo e que agora “se resigna”
Entre as medidas concretas e as ideas do seu proxecto de partido, Gómez Besteiro insistiu na importancia do municipalismo “como eixo do socialismo” e da atención á cidadanía desde as institucións máis próximas, e puxo as cidades como “o lugar desde o que o PSdeG retomará un proxecto serio de país”. Ante a militancia coruñesa, o socialista puxo A Coruña como exemplo de “cidade que creceu grazas a proxectos socialistas”, en contraposición coa “actual política de resignación e submisión a Feijóo e Rajoy” do goberno coruñés do PP, que “non ten nin ideas nin un proxecto real e só se dedica a esperar non se sabe ben a que, mentres todo o mundo sabe o moito que a cidade está a perder pero ninguén ten claro cara onde camiña”.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
