Lugo, 18 de xuño de 2013.- O Grupo Provincial do Partido Popular, critica de xeito moi contundente as actitudes do Sr. Besteiro, a quen lle pide unha vez máis, “ que non priorice o seu ascenso político a costa dos veciños da provincia de Lugo, máxime cando se está a tratar de temas de especial sensibilidade e que beneficiarían de xeito claro ás persoas máis necesitadas”.
Así o aseguran tras coñecerse que a Xunta de Galicia destina 11,6 millóns de euros para financiar servizos sociais e políticas activas de emprego logo de ter asinados tres convenios cos presidentes das Deputacións da Coruña, Pontevedra e Ourense, uns apoios aos que non quixo sumarse a Deputación de Lugo xa que José Ramón Gómez Besteiro é o único presidente provincial que non asistiu ao encontro a pesar de ser invitado –institucionalmente- as dúas últimas reunións nas que se acordou o texto asinado e os apoios económicos a recibir.
“É imposible que un convenio que é bo para o resto das provincias galegas, sexa malo para Lugo” –dixo Elena Candia, portavoz popular no ente provincial quen tamén asegurou que “os lucenses sufrimos as consecuencias de ter un presidente que so busca a foto, e que a provincia nunca é a súa prioridade”
Os populares insisten en que a negativa de Besteiro é en realidade un desprezo ás necesidades dos desempregados e dos usuarios dos servizos sociais da nosa provincia e todo por razóns partidistas, alleas aos intereses dos veciños desta provincia.
Reincidente
Este comportamento por parte do Besteiro non é novo senón que, como lembraron desde o PP volvera a repetirse xa “que o presidente provincial unha vez máis, cegado polo afán da confrontación política”, deixa a Lugo sen a posibilidade de recibir 400.000 euros para desempregados lucenses.
En todas as ocasións Besteiro demostrou un importante grado de desinterese e despreocupación, “a esta segunda reunión a que foi convocado, non asistiron nin presidente nin vicepresidente”.
Os populares tamén cuestionan que Besteiro pretenda enganar á poboación dicindo que a pretensión da Xunta era impoñer unilateralmente os convenios, cando o certo é que se celebraron varias reunións as que foi sempre convidado e o propio convenio foi aceptado por tres dos catro presidentes provinciais. “Besteiro quedase so no rexeitamento do mesmo”-conclúen os populares
Apoio da Xunta a Lugo
Os populares defenden que a pesar de Besteiro, a Xunta de Galicia investirá en 2013 un total de 96 millóns na provincia, dos que 72 será para área social e 24 para laboral. É de destacar os preto de 9 millóns de euros destinados a axuda no fogar para persoas dependentes.
A Deputación de Lugo elude as súas responsabilidades e incumple unha lei creada polo goberno autonómico bipartido e non cumpre coas súas competencias.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
