Cervo, 18 de xuño de 2013-O Concello de Cervo vén de solicitar unha subvención por importe de 10.000 euros á Consellería de Educación para a posta en marcha dun plan global para a redución do abandono escolar. Trátase dun programa que inclúe numerosas iniciativas de distinta natureza, todas elas dirixidas a fomentar e mellorar a formación da mocidade e que inclúe accións específicas segundo os grupos de idade.
En concreto, o Concello pretende poñer ao dispor dos estudantes e das súas familias un conxunto de iniciativas que comezan coa información dos recursos dispoñibles a través de distintas vías, como páxinas web, blogs e medios de comunicación. Ademais, no caso dos alumnos de 3º e 4º de ESO e PCPI, as accións van encamiñadas a atallar o fracaso escolar e aumentar o esforzo e a competencia a través de talleres de apoio para acadar os resultados académicos necesarios, así como motivalos para continuar a súa formación. Xunto ás actividades colectivas, tamén se incluirá atención individualizada.
En canto ao grupo de 16 a 24 anos, as actuacións van dirixidas a mozos que abandonaron o sistema educativo sen ter formación regrada rematada. Por iso as medidas tamén son diferentes e neste caso pretenden ofrecer formación, regrada ou non, que permita á mocidade incorporarse ao mercado laboral, e os anime a continuar a súa capacitación. Neste caso inclúense obradoiros motivadores e participativos con temáticas como a reciclaxe, a ecoloxía ou o comercio.
Ao mesmo tempo, tamén hai un programa dedicado ás familias, no que se pretende implicar na educación a pais, nais, titores e demais membros da unidade familiar. A edil Pilar Armada, explicou que se trata dun “plan de actuación moi completo, xa que contempla todos os casos posibles e pon o foco nas idades con máis risco, ofrecendo medidas prácticas para frear o abandono e o fracaso escolar”.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
