Foz, 25 de xuño de 2013. O Concello de Foz mellorou estradas da parroquia de Santa Cilla, actuación na que o investimento foi de preto de 24.000 euros. Estas obras executáronse nos accesos ao lugar de Vilacizal, na baixada á igrexa e no barrio de Folgosa e foron supervisadas polo alcalde, Javier Jorge Castiñeira; o concelleiro de Medio Rural, Pedro Fernández Manín, e técnicos municipais.
O rexedor municipal explicou que “a dureza do inverno deixouse sentir no estado das vías, pero aínda que a situación xeral das mesmas non é mala hai zonas que si teñen certo deterioro e sobre as que hai que actuar de inmediato. As obras máis urxentes fixéronse, si ben dentro da mesma parroquia hai outras que intentaremos arranxar en breve”.
Pola súa parte, o concelleiro de Medio Rural comentou que estas obras realizadas en Santa Cilla “amosan perfectamente o que o Concello pretende levar a cabo”. Recoñece que na mesma parroquia “hai outros barrios que tamén necesitan arranxos nas estradas que practicamente é imposible facelos. Pero o alcalde está a facer xestións con outras administracións, sobre todo coa Xunta de Galicia, para que no verán se podan facer traballos necesarios noutros puntos, como son limpar cunetas e rebacheos en varios lugares de diferentes parroquias. Por certo, na de Vilaronte, sobre todo nos barrios de Xinzo e Río, case hai máis buratos que asfalto”.
Fernández Manín tamén explicou que “nestas obras que acabamos de facer en Santa Cilla o Concello, con cargo ao noso presuposto, investiu preto de 24.000 euros, o que supón un gran sacrificio para este Concello. Pero parte do equipo de goberno, co alcalde á cabeza, pretendemos cumprir ao máximo, a pesar do problema de pagos que dende hai tempo estamos a sufrir. O Concello de Foz ten que pagar este ano de facturas do exercicio anterior que se debían a provedores uns 880.000 euros, que xa non os percibimos. Por conseguinte calquera obra que facemos é un gran sacrificio para este Concello”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
