O equipo cadete do CD Foz puxo a primeira pedra no seu camiño na fase de ascenso a Liga Galega cadete, ó derrotar en Ribeira ó Salvora CF por 1-2. O equipo de Oke, saíu disposto dende un principio a non especular e así xa no minuto seis de encontro adiantouse no marcador cun gol de Germán. Isto fixo que o equipo xogara máis relaxado e controlando o partido, onde incluso dispuxo de un par de ocasións que puideron aumentar a renda antes do descanso. Na segunda parte o equipo de Ribeira tratou de buscar a portería focega cun xogo moi directo, pero sen apenas crear perigo ó meta Xosé, ata que o arbitro sinalou un penalti que el non veu e que lle marcou o linier presionado polo público. Despois do penalti houbo unha expulsión dun xogador focego e xa con dez no campo , e a falta de 5 minutos Dani volveu a adiantar cun remate de cabeza. O CD Foz amosouse superior ó equipo da casa. Agora queda o partido de volta en Foz para que se culmine a eliminatoria.
Pola súa parte os infantís de Burunda caeron derrotados na Coruña, ante o Calasanz por 4-0. Só queda un partido para rematar a Liga e a vantaxe de dous puntos ante o Milagrosa fai que o vindeiro encontro ante o Santiago sexa vital para manter a categoría. Dende aquí facemos un chamamento ós afeccionados para que a vindeira fin de semana acudan a animar, primeiro o sábado ós infantís e logo o domingo a cadetes, para pasar a primeira eliminatoria da fase de ascenso.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
