Burela, 5 de xuño de 2013. O equipo de goberno popular de Burela manifestou hoxe que a oposición que fai o BNG “é totalmente monotemática, xa que se centra só en si o alcalde e o equipo de goberno viaxan moito, pouco ou nada. O que menos lle preocupa ó BNG é o que se xestiona, o único que queren é deixar caer a idea de que só sabemos cobrar dietas”.
Así, desde o goberno popular burelés afirman que “para nada se preocupan da rebaixa da liña de afectación da variante; para nada se preocupan polo proxecto de encauzamento do Perdouro; para nada se preocupan de se algún punto de bombeo feito durante o bipartito quedou en uso; para nada se preocupan pola gratuidade das escolas deportivas municipais; para nada se preocupan pola formación de desempregados; para nada se preocupan polo proxecto de vestiarios para a zona de A Marosa, etc, como tampouco se preocuparon no seu día da catalogación de casas que fixo o bipartito da Xunta para o PXOM”.
Para o equipo de goberno burelés, “estes temas e outros para o BNG non existen, aínda que no seu día preocupáronse de gastar, só nunha concellería, case 350.000 euros en gastos diversos de moi complexa xustificación; cobraban polas escolas deportivas municipais; tiveron que retirar as tristemente célebres axudas dos corenta euros; gastaron 30.000 euros nunha pista de pádel que era ilegal, e tamén deixaron ás asociacións culturais sen ningún tipo de axuda, absolutamente ningunha, e contribuíron de forma moi decidida a deixar 1.300.000 euros en facturas nos caixóns sen pagar”.
Por iso, segundo o goberno popular burelés, a oposición do BNG “non é crible, dado que están instalados en dicir a todo que non, en profetizar o caos, aínda que os do BNG non se esquecen de cobrar: os dous concelleiros do BNG no bipartito sumaban os dous soliños, entre soldo e asistencias, case 2.800 euros mensuais limpiños de po e palla; e se miramos para a Deputación de Lugo, dous deputados que nos saen en 105.000 euros brutos anuais, e os concelleiros liberados que teñen por aí, que cobran para facer de axitadores políticos, pero que non van pola Deputación nin a cobrar”.
Desde o equipo de goberno afirman que “a liña de xestión e de traballo que estamos levando é a correcta, e que en moitos casos nos ocupa resolvendo as liortas que deixaron estes señores. Nós cremos que se o BNG non quere quedar como grupo político residual, debe cambiar a liña de facer oposición, dado que se repite continuamente co asunto dos viaxes pero non plantexa ningunha alternativa. Aínda que se non o fai, moito mellor para o PP”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
