A obra pintor barreirense Celso Dourado estará presente nunha exposición internacional durante o vindeiro verán no norte de Alemaña, na cidade de Greiffwald. Dourado considera moi importante poder participar neste evento, tras o seu paso hai dous anos por Edimburgo.
Celso Dourado amósase moi satisfeito de poder participar en dito evento “que se celebra nunha cidade moi importante do norte de Alemaña. O mesmo galerista que me levou hai dous anos a Edimburgo convidoume agora a acudir a Greiffwald. Cada artista participa con dúas obras”. O pintor barreirense subliña que “se trata dunha exposición de carácter internacional que se desenvolve no centro cultural da cidade que se chama Pomerhus, un dos máis relevantes do norte do país xermano. Esta cidade está situada a 200 kilómetros de Berlín, e é moi similar á de Santiago de Compostela, que depende en grande parte da súa universidade. Durante o verán celébrase o festival dos estudantes onde se desenvolven todo tipo de actividades culturais, musicais e artísticas”.
Dourado dixo que “Greiffwald ten fama, sobre todo, polo pintor romántico Caspar David Friedrich. Foi un dos máis importantes de Europa na súa época. Hai un comentario que me mandou o galerista que o di todo: Greiffwald é unha universidade cunha cidade”.
A exposición na que estará presente a pintura de Celso Dourado poderá visitarse do 8 de xullo ao 10 de setembro.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
