O PP de Viveiro solicita a intervención inmediata da delegación de medio ambiente socialista para erradicar o vertedoiro en Cova Caída en Celeiro e limpar outras áreas naturais

O PP de Viveiro esíxelle á delegación de medio ambiente do Gobierno municipal que tome as medidas oportunas para erradicar definitivamente os vertedoiros incontrolados nas paraxes singulares do noso concello.

“Cando a estas alturas, xa deberían lucir limpos e frescos ás portas do verán, tanto nas Nogueiras como en Cova Caída (Celeiro) a situación non mellorou”, critican os populares.

“Fai tan so uns días denunciabamos en Cova Caída, ó lado da depuradora de Celeiro, a acumulación de escombros que presuntamente pertencen a unha obra cercana que non tivo a decencia de retirar tal e como marcan os canons, e preferiu, supoñemos que por deixadez e comodidade, abandonalo nesta zona pública ante a pasividade do Goberno do señor Roel”, manifesta o concelleiro do PP, Celestino García.

“O mesmo sucede no paseo de As Nogueiras, no Barrio de Penjamo, onde os restos de ramallos e lixo procedente das podas de parques e xardíns municipais, se concentran na parte alta da área natural. As malas herbas e a falta de papeleiras nas cercanías denotan a falta de coidado e atención da paraxe singular a poucos días das festas do Carme e a súa celebrada sardiñada nas Nogueiras”, apuntan os populares.

Ademais, consideran que “sería bo que a delegación socialista de Medio Ambiente recapacitase, ante o estado das zonas xa mencionadas e outras tantas significativas nas nosas guías turísticas coma o Monte Faro en Area onde a maleza campa ás súas anchas…, hai restos de lixo e non se reparan as roturas e destrozos ocasionados polos temporais e os vándalos no mobiliario urbano durante o longo inverno”.

“Consciente da cantidade de metros cadrados de zona verde no noso municipio o PP de Viveiro estima que xa esperou o tempo suficiente para que o Goberno do señor Roel cumprise coas súas obrigas medioambientais. E por iso que esiximos unha intervención inmediata nos citados lugares”, conclúe o concelleiro do PP de Viveiro.