Mondoñedo, 19 de xuño de 2013- O Partido Popular denuncia unha nova deixadez de funcións do bipartito local, dado que o Concello de Mondoñedo resultou sancionado pola Axencia Tributaria por non ingresar as retencións a conta do IRPF das nóminas dos traballadores municipais correspondentes ao exercicio 2010.
Así o recolle un escrito con data de entrada no Concello de Mondoñedo, de 25 de abril de 2013, e remitido pola Axenda Tributaria no que se considera probado que o Concello de Mondoñedo cometera a citada infracción tributaria, cuxa iniciación do procedemento sancionador lle fora notificada á administración local mediante escrito de data 28 de febreiro de 2013, presentando a Entidade alegacións con data 22 de marzo de 2013 nas que manifestaban: “que está de acordo coa proposta de imposición de sanción”.
Os populares aseguran que esta é unha mostra máis do “desgoberno e pouco control no día a día por parte do bipartito local”, que chega a derivar en irresponsabilidades cualificadas de “moi graves”, xa que segundo recolle a notificación “a débeda comprende a retencións ou ingresos a conta, representando as practicadas e non ingresadas un porcentaxe superior ao 50% da base da sanción”
De novo, o descontrol de Orlando González volve a repercutir “negativamente no peto de todos os mindonienses, que custearán as sancións impostas por non cumprir coa súa responsabilidade como alcalde”.
O PP de Mondoñedo pregúntase pola lexitimidade que ten agora o bipartito local de reclamar débedas aos veciños “cando eles son os primeiros que non cumpren as súas obrigas con Facenda”.
Neste caso a multa ten un importe de 1.111 euros, pero visto a pasividade do alcalde e a súa nula xestión, dende o PP non descartan a posibilidade que se poidan dar outras maiores.
Tráfico sanciona ao Concello de Mondoñedo
Este é un caso máis que demostra a caótica situación da facenda local que os populares veñen denunciando nos últimos anos, véndose obrigados, en varias ocasións e en recentes días, a alertar publicamente de sancións ou de incumprimentos de normativa urbanística.
Neste senso, dende o PP local lembran a sanción interposta pola Xefatura Provincial de Tráfico contra o mesmo Concello de Mondoñedo, con data 27 de febreiro de 2013, por circular cun vehículo cuxos pneumáticos non presentan debuxo nas ranuras principais da banda de rodamento.
Unha situación pola que os populares pedían explicacións, tendo en conta o pago dunha factura por unha contía de 4.700 euros de concepto de subministro de rodas datada de agosto do 2012, na que non se detallaba que rodas mercaran e os populares ignoraban o seu destino.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
