Venres, 14 de xuño de 2013. A Fundación Imdecum (Impulso ao Deporte, Cultura e Turismo na Mariña) presentou esta mañá en Burela a segunda edición do Torneo de Fútbol Sala Base ‘Memorial Rodrigo Maseda Lozano’, que volverá á palestra deportiva do verán o 5, 6 e 7 de xullo para reunir o mellor fútbol sala de base na Mariña, en memoria do policía natural de Burela falecido o ano pasado nun rescate na praia coruñesa do Orzán.
O salón de plenos do consistorio acolleu o acto, no que o presidente da fundación, Marcelino Luna, e o alcalde de Burela, José María González Barcia, tiveron o privilexio de estar acompañados polos pais do homenaxeado, Isabel Lozano e José Ramón Maseda. A presentación tamén contou coa presenza dos concelleiros de Deportes dos tres municipios colaboradores na cita, Beatriz Piñeiro, de Burela, Luis Guillén, de Cervo, e Ángel Paleo, de Foz.
Marcelino Luna amosou a súa satisfacción pola consolidación dunha iniciativa deportiva que reúne as metas fundacionais de Imdecum: ‘O Memorial non só se identifica co promoción do deporte e a vida sa entre os mozos e mozas e transmite a cultura de esforzo e solidariedade, tan necesaria nos tempos que corren; coa distribución da competición tamén dá a coñecer a nosa bisbarra, a súa riqueza natural e cultural” explicou o presidente, transmitindo o agradecemento á familia Maseda pola “amabilidade de deixarnos o legado de Rodrigo, un xesto co que Imdecum adquire o compromiso de facer desta cita un modelo para a xuventude”.
José María González Barcia tamén loou a disposición da familia do policía: “Rodrigo sempre representará uns valores de esforzo, sacrificio e traballo en equipo, que tamén definen o deporte. Dende o Concello e dende entidades coma a Fundación Imdecum temos o deber de trasladar eses valores á sociedade e, especialmente, á xente nova” dixo o rexedor, que tamén incidiu en que o Memorial coincidirá coa segunda edición da Festa Castrexa. Pola súa banda, os edís de Cervo e Foz aplaudiron a continuidade do torneo mariñán e amosaron o seu compromiso de seguir colaborando na cita.
Isabel Lozano, xunto ao seu marido, pechou a presentación agradecendo, por segundo ano, a iniciativa de Imdecum: “Rodrigo era un rapaz moi san, que amaba o deporte; compartiría o noso sentimento de orgullo por ser un modelo a seguir para unha cita que reúne a centos de nenos en torno ao fútbol sala”.
Inscrición ata o 21 de xuño
Ata o venres 21 de xuño, os clubs poderán formalizar a súa inscrición na cita que reunirá na mariña o fútbol sala de base, coa colaboración da Vicepresidencia Primeira da Deputación de Lugo e os concellos de Burela, Cervo e Foz. Xa amosaron o seu interese en participar equipos dende Madrid, Guadalajara, Vigo, A Coruña e diferentes escolas da comarca.
Ao longo de tres intensísimas xornadas, os pavillóns da Veiga (San Cibrao), Marzán (Foz) e Monte Castelo e Vista Alegre (Burela) acollerán, coma na primeira edición, a competición de benxamín, alevín, infantil e cadete, incluíndo como novidade a categoría xuvenil. Durante todo o torneo, a organización tamén lles ofrecerá aos rapaces/as unha programación lúdico-deportiva complementaria, con xogos multimedia e visitas guiadas ao barco-museo Reina del Carmen e o Museo do Mar de San Cibrao, ademais de ter a posibilidade de usar as instalacións do complexo deportivo da Marosa e a piscina de San Cibrao.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
