Foz, 14 de xuño de 2013. O Concello de Foz está preparando as praias para telas xa en bo estado esta fin de semana, labor que realizan traballadores municipais. Para a limpeza dos areais serán contratadas 8 persoas, segundo explicou o alcalde, Javier Jorge Castiñeira, quen tamén anunciou que se farán varias melloras, entre elas a substitución das sombrillas de palla que hai na praia da Rapadoira. Ademais advirte aos bañistas que non hai servizo de socorrismo ata o día 1 de xullo, polo que pide precaución.
O rexedor municipal anunciou hoxe que dende o Concello de Foz “estase traballando intensamente para empezar a tempada estival coas brigadas municipais, posto que son os medios que temos a día de hoxe nas diferentes praias, como A Rapadoira ou Llas. Estanse preparando todos os areais para que nesta fin de semana xa podan estar nunhas condicións óptimas”.
Javier Castiñeira recorda aos usuarios que de momento non hai servizo de socorrismo “non só en Foz senón en todas as praias de Galicia e en moitas da cornixa cantábrica ata o 1 de xullo; polo tanto recomendo moita prudencia a todos os bañistas.”
O alcalde tamén comentou que o Concello “ten sacadas oito prazas de limpeza de praias e aviso a todos aqueles que queiran participar nese proceso de selección que poden informarse nas dependencias municipais, porque saíron onte as bases de contratación, hai cinco días para presentarse e despois faranse os exames para empezar antes do mes de xullo”.
Ademais Castiñeira deu a coñecer hoxe que van substituír as sombrillas de palla que hai nas praias progresivamente “para facer un pequeno cambio de imaxe e este ano vamos empezar na Rapadoira”.
“Esperemos que o verán arranque o antes posible e discorra sen incidencias, como o ano pasado, e que dentro das limitacións económicas que estamos tendo todos os concellos, e máis incluso o de Foz, podamos sacalo adiante. E estamos á espera dese plan de cooperación necesario para saber cantas prazas de socorristas podemos ofertar e sacar o concurso para que podan optar todos os interesados”, rematou o alcalde.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
