Foz, 13 de xuño de 2013. Representantes das catro formacións políticas da corporación focense (PP, PSOE, Unifoz e BNG) e das asociacións veciñais de Forxán e O Castro, de Foz, fixeron hoxe a visita prevista á estación depuradora de augas residuais de Ribadeo, que conta con instalacións similares ás que a Xunta proxecta construír en Foz cando o Concello decida o lugar onde se situará.
O alcalde, o popular Javier Jorge Castiñeira, explicou que na visita participaron “representantes da corporación municipal de Foz e membros das asociacións de veciños afectadas, concretamente de Forxán e O Castro, porque o da asociación de veciños de Fazouro decidiu non vir. Estiveron tamén técnicos da Xunta de Galicia e da empresa que está explotando a depuradora de Ribadeo”.
“Creo que nos vamos todos moi contentos do resultado. Teño que felicitar, por suposto, aos veciños de Ribadeo porque teñen unha instalación perfectamente adecuada ao seu entorno, ao seu ambiente. Os resultados de como sae a auga depurada en Ribadeo e de como está saíndo actualmente en Foz á verdade é que teñen moita diferenza; a pesar de que o residuo que entra é o mesmo nas augas que están saíndo hai un diferenza enorme e nós temos que tender a ter unha instalación como a de Ribadeo. Doulle a noraboa, por suposto, ao alcalde por ter estas instalacións que benefician moito ao medio ambiente en Ribadeo”, manifestou Javier Castiñeira.
O rexedor municipal considera que “tanto os veciños coma os membros da corporación conseguimos ver unha instalación adaptada, co cal a afección a todo o que hai arredor é mínima nunha poboación cunhas condicións moi parecidas ás que ten Foz: o núcleo urbano nun extremo, próximo á ría, e tratando de tender a zonas menos poboadas como está en Ribadeo, na zona da costa de Vilaselán. En Foz sería do mesmo xeito, ou en Fazouro ou en Forxán, que evidentemente son as zonas que nos quedan”.
Castiñeira tamén comentou que “a partir de agora queda un traballo importante, pero creo que a de hoxe foi a reunión máis frutífera de todas, porque vimos e podemos dar fe de que hai unha instalación que cumpre perfectamente os requisitos e sobre todo os vertidos son completamente compatibles co medio ambiente, co mar, co río de Vilaselán. Deunos envexa aos representantes da corporación de Foz ver unhas instalacións neste estado”.
O alcalde de Foz agradeceu aos técnicos da Xunta de Galicia e da empresa as explicacións, que “foron idóneas e precisas”, e tamén a presenza de membros de todos os grupos da corporación e dos colectivos veciñais que asistiron. E lamentou que “o representante dos veciños de Fazouro non estivera á altura e non se dignara, polo menos, a estar aquí co resto dos seus veciños”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
