Ribadeo, 12 de xuño de 2013. A Concellaría de Servizos Sociais pon en marcha por segundo ano consecutivo o programa de bancos de libros de texto, que neste 2013 chega tamén á educación secundaria. Todas aquelas persoas interesadas en participar nesta iniciativa poden deixar os libros dos seus fillos/as desde o 21 de xuño ao 5 de xullo no CEIP Gregorio Sanz e no CPR Sagrado Corazón. E as persoas que desexen beneficiarse deste programa poderán solicitar os libros no departamento de Servizos Sociais do 5 ao 19 de xullo, segundo daba a coñecer no día de hoxe a concelleira Teresa González Piñeiroa.
A edil nacionalista lembrou que “o Concello de Ribadeo, a través da Concellaría de Saúde e Servizos Sociais, o ano pasado puxo en marcha o programa de bancos de libros de texto. Esta iniciativa xurdía cunha intención de continuación no tempo e coa idea de que paulatinamente se fora ampliando este fondo de libros. O factor primordial que potenciou esta iniciativa foi a situación económica. Nin que dicir ten os tempos nos que vivimos, nos que a crise económica afecta considerablemente ás familias. Pero primaban tamén outros tres factores, como a solidariedade, fomentando entre a poboación máis nova sobre todo a importancia de doar de maneira altruísta material que xa non se precisa. Outro factor tamén importante é o respecto ao medio reutilizando os libros. E evidentemente outro factor non menos importante é o uso correcto dos memos, intentando na medida do posible non escribir neles nin rompelos e darlle un uso adecuado”.
González Piñeiroa dixo que “o ano pasado esta iniciativa fíxose unicamente na educación primaria, porque como era algo novo non sabiamos aínda moi ben como podería funcionar. E este ano imos traballar tamén con secundaria. Polo tanto a recollida de libros vaise facer tamén entre o alumnado do CEIP Gregorio Sanz e no colexio Sagrado Corazón. Vanse recoller libros de texto de Primaria e Secundaria. No IES de Ribadeo non se vai levar adiantes esta campaña porque dentro do instituto xa puxeron en marcha eles un programa interno”.
Desde o Concello de Ribadeo “puxémonos en contacto coas direccións dos centros e segundo a información que temos nós todos os manuais empregados durante este curso 2012-2013 van estar vixentes para o curso que vén. Polo tanto todos os libros de texto que se empregaron este ano recóllense e serán reutilizados o próximo ano”, sinalou a concelleira de Sanidade e Servizos Sociais.
Teresa González explicou que “esta campaña que iniciamos agora para o curso que vén vaise desenvolver en dúas fases. Unha primeira que empeza o 21 de xuño, cando xa remata o curso e o alumnado que aprobou xa non precisa os libros para setembro, falo de Secundaria, e remataría o 5 de xullo, período no que esas persoas que xa non os precisan poderían entregar os libros que se atopen en bo estado; e logo despois o persoal de Servizos Sociais vainos seleccionando e reparando as posibles eivas que poderían ter. E do 5 ao 19 de xullo as persoas interesadas en beneficiarse desta iniciativa poden presentar a solicitude para a obtención e uso dos libros de texto dispoñibles, evidentemente co compromiso de devolución no mesmo estado no que se recibiron”. Os trámites poderanse facer no auditorio municipal, que é onde está a sede dos Servizos Sociais do Concello de Ribadeo, en horario de 9 a 14 horas.
A adxudicación dos libros de texto realizarase conforme a un baremo no que primarán os factores económicos e sociais. A edil do BNG indicou que “pretenderase na medida do posible que todas as persoas doadoras que tamén precisan se vexan beneficiadas dalgunha maneira deste préstamo. Evidentemente intentarase axustar un pouco a oferta e a demanda dos fondos que teñamos para adxudicalos o mellor posible, pero sempre tendo en conta os factores económicos e sociais”.
Á concelleira de Servizos Sociais gustaríalle que “todas aquelas persoas que teñan material que xa non van usar que o doen, porque sempre hai que darlle unha nova vida aos libros”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
