O grupo de voces Sons de Celeiro estreouse na tarde-noite do sábado 22 de xuño diante de preto de 300 persoas no centro sociocultural da Casa do Forno de Celeiro. Os asistentes puideron disfrutar de 10 temas da nova formación que conta con 16 integrantes que levan ensaiando dende o pasado mes de outubro dirixidos por Daniel Caxete (autor de dous dos temas que máis impresionaron na estrea: “Son de Celeiro” e “O barco”) e Toni Docampo. Sons de Celeiro, continúa os seus ensaios aberto a recoller novas voces tanto masculinas como femininas para ampliar a formación. O Colectivo chilindrín Penalba foi o encargardo da organización desta actuación dentro do ciclo cultural @culturanoforno que acolleu tamén a reaparición do grupo de danzas “Nova semente” de Celeiro, que tamén forma parte da ACD Colectivo chilindrín Penalba, e presentou unha exhibición de 2 bailes dun grupo formado por 12 bailaríns, acompañados polo grupo de gaitas “Nova Semente, reaparecendo nunha nova andaina logo de anos sen que o baile tradicional formara parte da actividade cultural de Celeiro.
Sons de Celeiro encheu a Casa do Forno
Relacionado
-
Seis pintores do Valadouro é a nova publicación do SEVA, un caderno dedicado á obra de seis artistas plásticos: Carmen Ossorio, Xosé Blanco, Arturo Mogo, Hipólito Xeada, Alaxe e Mar Vicente
-
Éxito de participación nas escolas deportivas de verán do Concello de Ribadeo
-
A conselleira de Vivenda e Planificación de Infraestruturas, María Martínez Allegue, acompañada polo delegado territorial da Xunta en Lugo, Alfonso Villares, mantivo este mércores unha reunión de traballo co alcalde de Xove, Demetrio Salgueiro
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
