Suso do Bahía

Ramón Fraga López.- Hoxe, aí sobre as dúas da tarde e cando me dirixía para Foz , dende Burela, para almorzar, puiden falar co amigo Suso do Bahía, por teléfono (teño mans libres no coche), que se atopa internado no HULA de Lugo dende xa fai uns días, por uns problemas como diría el, nas rodas, e que o levarán a operarse o vindeiro mércores. Os que coñecemos a Suso, xa sabemos que a maior dificultade que lle aporta a vellez, son as pernas, e vémolo camiñando co seu bastón polas rúas moi despaciño. A mala circulación, unido a outros problemas, fixo que houbera que internalo e levar a cabo a devandita operación.

A verdade e que a pesar de saber do seu carácter,sempre positivo, eu tiña medo de atopalo un pouco deprimido despois de levar, como xa dixen, varios días aló internado, e sabendo do seu amor pola liberdade, pero todo o contrario. Atopeime cun home cheo de forza, de ánimo, e incluso contento, contándome a cantidade de visitas que tivera, o que lle aportaba una ledicia grande o saber que conta con tantos amigos. Contoume dos dolores que tiña, pero como quen conta una batalla bélica regodizándose da historia. En fin que me quedei ledo de escoitar o amigo Suso desprendendo vigorosidade cando eu, probe de min pensaba todo o contrario.

Quero dende estas páxinas, dende este espazo que el moitas veces tingue de palabras, para contarnos mil cousas, desexarlle una feliz intervención quirúrxica, e que pronto poidamos volver a velo paseando polas nosas rúas, e escribindo outros mil e pico artigos polo menos, para deleitarnos coa súa sapiencia. Moita sorte Suso. Vémonos.

Caxé