O Presidente da Deputación de Lugo, José Ramón Gómez Besteiro, presentou este mércores a segunda edición das bolsas Leonardo Da Vinci. Trátase dunha iniciativa impulsada polo organismo lugués e cofinanciada pola Unión Europa para que titulados universitarios ou de F.P. poidan completar a súa formación en Europa, antes de regresar a España. O Presidente estivo acompañado na presentación de dous beneficiarios destas bolsas da edición do ano pasado que animaron ós mozos lucenses a inscribirse na oferta formativa, sen custe algún para os participantes, e contaron a súa experiencia no estranxeiro.
Nesta edición Leonardo ofértanse en total 70 bolsas formativas para facer prácticas en Europa. O programa non ten custe algún para o beneficiario xa que os organizadores búscanlle o aloxamento, o lugar de formación e ata as viaxes, o que permite que os rapaces se centren só na súa aprendizaxe. Ademais
Ás bolsas, explicou Gómez Besteiro, poden optar mozos lucenses recén titulados en profesións relacionadas cos seguintes sectores: medio ambiente, agroalimentación, gandeiría, pesca, informática, turismo, ciencias da vida (bioloxía, medicina, biomedicina, bioquímica, botánica…) e audiovisuais.
O mandatario provincial destacou que o “obxectivo do programa é formarse en Europa pero voltar ó país e triunfar no seu campo profesional”. Segundo o máximo mandatario provincial se trata dunha importante oportunidade para completar a formación da mocidade que busca mellorar o seu currículum e aprender das experiencias laborais noutros países”. Pero ademais, destacou Gómez Besteiro, “os bolseiros volven a España cos coñecementos adquiridos e con maiores posibilidades de atopar traballo nas empresas, como lle ocorreu a algúns dos participantes”. Para O Presidente da Deputación, unha das claves para saír da crise é que non se vexan obrigados a marchar os mozos que poden desenvolver a súa carreira profesional no país e, por iso, “a Deputación apoiará todas as iniciativas que complementen a súa formación e lles permitan vivir en España”.
A Deputación de Lugo é a única administración provincial de Galicia á que lle aprobaron dous programas de becas diferentes: para universitarios e para Formación Profesional. As bolsas están dotadas cun orzamento de 309.000 euros, dos que a UE achega o 70%, é dicir, 210.000 euros. Os beneficiarios farán prácticas en empresas de países europeos durante un período de entre 3 meses e 3 meses e medio, como Austria, Italia, Portugal, República Checa e Reino Unido son algún dos destinos que se ofertan.
Testemuños dos participantes
Na presentación da edición deste ano das bolsas Leonardo da Vinci, acompañaron ó Presidente, dous dos rapaces que foron beneficiarios o ano pasado. Os dous destacaron a importancia que a experiencia tivo tanto no seu currículum como a nivel personal e animaron ós mozos lucenses a participar.
Tamara Rubiños foi beneficiaria dunha bolsa Lugojob, e traballou como titulada en socioloxía na Universidade de Cork, en Irlanda. Alí axudou no Departamento de Criminoloxía, especialidade que estudou. Tamara anima ós mozos da provincia a buscar a súa opción entre os lugares que ofrecen as bolsas Leonardo e asegura que a experienica lle servíu para saberse capacitada para desenvolverse. Felipe Neira, beneficiario dunha bolsa TicLugo viaxou a Módena, onde traballou no departamento de márketing do Concello. Asegura que aprendeu moito traballando ó ter que adaptarse a un xeito diferente de facer as cousas. Ademaís destaca a experiencia de coñecer outro país e outra cultura e anima a todo o mundo a incribirse para participar no programa porque segundo él a experiencia enriquece tanto personal como laboralmente. Os dous rapaces que acompañaron a ó Presidente da Deputación, destacan que á súa volta, despois de desfrutar da bolsa, teñen maiores posibilidades de atopar emprego.
Na provincia de Lugo, ó igual que no resto de Galicia, existe unha elevada taxa de paro entre os mozos, que teñen dificultades en atopar traballo, a pesar da súa formación. Esta situación provoca a marcha de moitos mozos lucenses na busca de emprego fora da nosa provincia e no estranxeiro, pero sen formación adecuada. Dende a deputación consideran que esta situación repercute negativamente no desenvolvemento da nosa provincia, por isto solicitan dende a entidade provincial a convocatoria de novas bolsas para que os mozos lucenses se formen no estranxeiro pero poñan en práctica os seus coñecementos na provincia, abrindo, deste xeito, novas posibilidades laborais.
Dous tipos de becas
As 70 becas Leonardo que ofrece a Deputación son de dous tipos:
– As Lugojob, solicitadas pola propia Deputación, e que teñen 50 prazas. Están dirixidas a mozos da provincia menores de 35 anos que conten cunha titulación universitaria acadada nos últimos catro anos e que se atopen en desemprego, preferentemente sen experiencia laboral previa. As titulacións deberán estar relacionadas co medio ambiente, agroalimentación, gandeiría, pesca, informática, turismo e ciencias da vida. Os beneficiarios farán prácticas durante tres meses e medio en empresas de Hamburgo, Viena, Florencia, Lisboa, Praga, Belfast e Cork.
– As Ticlugo, xestionadas pola fundación TIC. Neste caso son 20 prazas, especificamente destinadas ós titulados da Escola de Imaxe e Son (EIS), o único centro educativo da provincia que imparte ensinanzas de formación profesional da familia audiovisual, e que está sostida ó 100% pola Deputación. Os aspirantes a estas becas –as primeiras que ofrece a TIC no estranxeiro- teñen que ter terminado nos últimos tres anos os estudios de Produción de Radio, Audiovisuais e Espectáculos, ou de Realización de Audiovisuais e Espectáculos, na Escola de Imaxe e Son. Darase prioridade a persoas en situación de desemprego e a aquelas que non poidan acceder a este tipo de prácticas laborais no estranxeiro por razóns económicas. O período de prácticas será de tres meses en empresas de Irlanda, Módena e Lisboa.
A Deputación de Lugo dirixe 50 das becas a universitarios para adaptarse ás condicións establecidas pola Unión Europa para os programas Leonardo, aínda así, a firme aposta do organismo provincial pola FP fixo posible ofrecer 20 bolsas nestas titulacións.
Os prazos
Hoxe mesmo a Deputación inicia unha campaña de información sobre estas bolsas de emprego, colgando na súa web www.deputacionlugo.org as súas características e os requisitos para acceder a elas, co fin de que o maior número de mozos posible teñan a posibilidade de beneficiarse delas. Os interesados tamén poden chamar ó teléfono 982 260 216 ou enviar un correo electrónico a becasleonardo@deputacionlugo.org
Tal e como pide a UE:
– En setembro publicaranse as bases de selección e, inmediatamente, abrirase o prazo para inscribirse
– En outubro farase o proceso de selección e publicarase a lista de admitidos e excluídos na web provincial
– En novembro tramitarase a documentación para que os mozos seleccionados poidan partir en xaneiro ó país de destino, onde recibirán formación ata finais de maio, principios de xuño.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
