Cervo, 23 de xullo de 2013-Mobles restaurados, cadros, bordados e outros obxectos elaborados polas membros da asociación Mulleres de San Ciprián é o que se pode ver na exposición inaugurada na Casa da Cultura e que permanecerá aberta ata o 30 de xullo en horario de 17:00 a 20:00 horas. Trátase de artigos feitos a man nos múltiples obradoiros organizados por esta asociación, que ao longo deste curso ofreceron clases de pintura, restauración de mobles e manualidades.
Ao mesmo tempo, a entidade tamén impartiu talleres de arranxos florais, clases de informática coa colaboración da Asociación de Veciños Cruz da Venta, de ximnasia, charlas sobre saúde, xornadas de teatro, puxo en marcha actividades incluídas no programa do Día Internacional da Muller e organizou varias viaxes e excursións, sen esquecer o evento de Lembrando tempos no río, no que as socias reviviron a tradición de ir lavar a roupa ao río Covo. Unhas actividades que tamén teñen a súa pegada na mostra a través de fotografías proxectadas nun televisor e que se amosan en carrusel.
A exposición foi inaugurada polo alcalde de Cervo, Alfonso Villares, a presidenta da entidade, Amparo Pernas, e por multitude de socias de Mulleres de San Ciprián e “é unha mostra moi representativa das moitas iniciativas que pon en marcha esta asociación e que animan ás preto de 200 asociadas a manterse activas” explica o rexedor, quen destaca tamén a “súa constante disposición para organizar actividades conxuntas”.
O mandatario cervense resaltou ademais “a excelente calidade dos traballos realizados polas socias, que demostran a efectividade e utilidade dos obradoiros ao que hai que sumar tamén a súa vertente de entretemento”.
Afectarán aos seguintes servizos: Piscina: pechada. Duchas dos vestiarios: pechadas. Ximnasio e actividades en seco: abertos no horario habitual. O Concello agradece a comprensión da cidadanía.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
