A CIG-Saúde vén de pór en marcha unha campaña para denunciar a rixidez coa que o SERGAS aplica as medidas de recorte ao seu persoal, mentres que Función ten flexibilizada a súa aplicación para o persoal da Xunta de Galiza. No seo da campaña membros da Executiva Nacional de CIG-Saúde rexistraron, o pasado venres, dous escritos dirixidos á conselleira de Sanidade, Rocío Mosquera e ao propio presidente da Xunta, Alberto Núñez Feijóo, a través das que demandan o cese destas discriminacións e piden ás/aos traballadoras/es do SERGAS que rexistren ese mesmo escrito para darlle continuidade á campaña”.
CIG-Saúde subliña que desde o ano 2009, o persoal do SERGAS vén sufrindo recortes continuados dos seus dereitos laborais que se concretan, entre outros, na supresión do acordo retributivo 2008-2012; a paralización da carreira profesional; a perda do complemento salarial nas baixas; o aumento da xornada laboral; a perda dos días de libre disposición e tamén dos días adicionais de vacacións e dos días por trienios, alén da perda de postos de traballo.
Denuncia que mentres ao persoal do SERGAS se lle aplicaron rixidamente os recortes, Función Pública flexibilizaba mediante a negociación, as condicións do seu persoal e flexibilizaba tamén a aplicación dos recortes. Unha negociación e flexibilización que non foi posíbel no seu caso por mor das reiteradas negativas do Servizo Galego de Saúde.
Froito desa flexibilización, o persoal funcionario da Xunta conta cun complemento salarial nas baixas por enfermidade e os 3 primeiros días pode xustificar a ausencia sen entregar parte de baixa, cobrando ademais a retribución completa.
Fronte a isto, ao persoal do SERGAS descóntaselle, os 3 primeiros días, entre un 50 e un 100% da retribución, sen posibilidade de xustificar a ausencia doutro xeito que non sexa cun parte de IT.
En materia de acción social, o funcionariado viña tendo dereito a axudas para libros ou vivenda, algo que o persoal do SERGAS nunca tivo dereito.
Ademais a xornada laboral do persoal funcionario inclúe o 24 e o 31 de decembro como día non laborábel, coa conseguinte redución da súa xornada, mentres que si é laborábel para o persoal do SERGAS e, polo tanto, non teñen dereito a redución de xornada algunha.
Polo que respecta a permisos e licencias, función pública publicou, despois da negociación, unha instrución na que se recollen cuestións como a consulta propia que melloran a lexislación básica. Porén, no SERGAS, o organismo que presta asistencia sanitaria, o persoal non ten dereito a permiso para acudir a consulta médica propia. E non só iso, o Servizo Galego de Saúde négase a negociar nada que non sexa o que está estabelecido na lexislación básica, cos recortes correspondentes.
CIG-Saúde sinala ademais que con data de 20 de xuño. A Dirección de Función Pública emitiu unha instrución na que decreta para o persoal funcionario o horario de verán desde o 25 de xuño ao 15 de setembro, cunha xornada continuada de 6 horas ou o que é o mesmo, cunha redución de 1,5 horas diarias para facilitar a conciliación da vida familiar e laboral.
Por iso reclama que, de inmediato, o SERGAS dite unha resolución para o persoal estatutario de redución horaria no período vacacional similar á ditada para o persoal funcionario, ou a acumulación en xornadas completas para o persoal que non poida gozar da redución diaria. “O persoal estatutario, como o persoal da Administración Pública, non pode estar continuamente discriminado das medidas máis beneficiosas que son de aplicación ao resto de traballadores/as do sector público”, afirma e engade que “se se nos considera funcionariado para aplicarnos os recortes, tamén debe considerársenos para acadar as melloras”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
