Logo de amortizar recentemente 3,5 millóns de débeda con remanentes, convertendo á de Lugo na 1ª Deputación en Galicia e na 5ª en España menos endebedada, o organismo provincial incrementa agora en 2,7 millóns de euros os investimentos para cooperar cos Concellos e benestar social tamén con remanentes. Así o acordou o Pleno Provincial este martes, co voto a favor de PSOE e BNG e abstención do PP. A Deputada de Economía, Recadación e Facenda, Pilar García Porto, salientou que “grazas a unha xestión responsable e eficaz, na que combinamos políticas de crecemento coas de contención do gasto, somos capaces de aumentar os investimentos desta institución en impulso dos sectores estratéxicos da nosa economía e dos servizos sociais, demostrando que fronte ós austéricos recortes hai outra forma de facer as cousas”.
García Porto adiantou que o 70% desta cantidade é para investimentos directos nos Concellos mentres que o 30% restantes son para familias e institucións sen ánimo de lucro. Deste xeito, 2,2 millóns de euros son para melloras nas dotacións públicas municipais ós veciños –primando as zonas rurais-, así como para actuacións que dinamicen a gandeiría, agricultura, pesca, artesanía, turismo, cultura e deportes. O medio millón restante é para servizos sociais, “nun momento no que prima a contradición entre as principais administracións no país, poñendo en perigo as prestacións básicas ós cidadáns, cando o Goberno de España vén de aprobar unha reforma da Administración Local que outorga as competencias dos servizos sociais nos Concellos ás Comunidades mentres a Xunta de Galicia se nega a asumilas, impoñendo un decretazo”.
A asistencia ós municipios, con medidas que impulsen a economía e o emprego, así como o impulso dos servizos sociais, son as máximas da Deputación, centralizando o Orzamento da Deputación para 2013, dotado de case 90 millóns de euros, ós que agora se suman estes 2,7 millóns. García Porto destacou que “con recursos propios, conseguimos financiar, non só os gastos correntes desta institución, senón os investimentos para xerar riqueza e emprego na provincia. É dicir, sen ter que recorrer a novos préstamos bancarios, feito que nos permite manter unhas contas saneadas e seguir reducindo a débeda, cumprindo ademais coa Lei de Estabilidade Orzamentaria, non deixamos de investir en Lugo, demostrando que este Goberno Provincial está á altura das circunstancias”.
Minuto de silencio
A sesión plenaria arrancou cun minuto de silencio polas vítimas na traxedia ferroviaria en Santiago de Compostela, co que a Corporación Provincial quixo expresar novamente “as nosas condolencias e solidariedade coas familias dos falecidos, e os nosos mellores desexos para as persoas feridas que están en proceso de recuperación. Os lucenses sentímonos orgullosos de ser galegos polas mostras de solidaridade e comportamento exemplar que amosou o noso pobo nun dos momentos máis tráxicos da nosa historia”, destacou o Presidente da Deputación, José Ramón Gómez Besteiro.
1º central de compras na provincia
Co apoio do Goberno Provincial e a abstención do PP, o Pleno aprobou a creación da 1º central de compras na provincia, na que a institución leva meses traballando, para a contratación conxunta de servizos municipais que permita aforrar custes ós Concellos. Por exemplo, servizos telefónicos ou subministros. Este proxecto enmárcase na aposta da Deputación por xeneralizar os acordos marcos como fórmula de continuar na racionalización e optimización do gasto público. Baixo esta premisa, a institución xa realizou varias adxudicacións conxuntas para os municipios, concretamente a de equipamento enerxético, acadando un aforro inicial dun 20% ós Concellos, que nalgúns casos ascende ó 30%.
Enfermería
Ó Pleno Provincial acudiu un colectivo da enfermería, xa que se debatiu unha moción do equipo de goberno, aprobada cos votos a favor dos Deputados de PSOE e BNG ó contar coa abstención dos do PP, que insta á Xunta a cubrir as baixas, vacacións ou prazas vacantes destes profesionais nos centros de saúde do SERGAS ante a queixa do Valedor do Pobo, e cando 1.000 lucenses deste sector están en paro.
A Deputación tamén acordou esixir ós Gobernos central e galego a que manteñan as súas liñas de axudas ós gandeiros logo de recortalas en case 600 millóns de euros: o Executivo estatal baixou este orzamento en 255 millóns no 2012 e 199 millóns este ano, mentres que a Xunta diminuíuno en 70 millóns e en 50 millóns, respectivamente. A moción do grupo socialista foi aprobada malia a abstención do PP.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
