Ribadeo, 18 de xullo de 2013. Centos de persoas pasan a diario pola oficina de turismo de Ribadeo. A afluencia estes días está a ser moi importante, “de feito estanse a producir ata colas, en varios momentos ao longo do día, en demanda de información do concello, de Rinlo, da praia das Catedrais e do resto da comarca da Mariña”, segundo explicaba esta mesma mañá a concelleira de Turismo, Ana Martínez.
Na oficina de Turismo entregáronse estes días máis de 350 credenciais do viaxeiro, “unha acuarela que levan todos aqueles que fixeron o percorrido que vai entre As Catedrais, pasando por Rinlo, Illa Pancha, O Cargadoiro e chegando a Ribadeo. Para facerse con ela deben mostrar no móbil ou nunha cámara dixital unha foto de cada unha desas localizacións. Desde que puxemos en marcha esta iniciativa o ano pasado levamos entregadas preto de 2.500 credenciais, que é unha cifra que non está nada mal”.
Ana Martínez sinala que “así pretendemos atraer cara Ribadeo aos turistas que acoden á praia das Catedrais, para que vexan e coñezan outros puntos, outros lugares moi fermosos que temos no noso concello como poden ser Rinlo, o faro da Illa Pancha ou toda a zona do Cargadoiro. Ribadeo ten moito que ofrecer e queremos amosarllo a esas miles de persoas que ano tras ano peregrinan ás Catedrais”. Neste areal estanse a rexistrar estes días miles de visitas, mostra diso é que o aparcadoiro está repleto. A edil de Turismo advirte que “de seguir a este ritmo en agosto xa non sabemos qué poderá pasar, a zona e a praia chegarán a colapsarse en calquera momento”.
A edil nacionalista engade que “na oficina de turismo estamos a contabilizar estes días máis visitas que ano pasado, pero de estancias máis curtas”.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
