A deputada autonómica do PSdeG por Lugo Concepción Burgo advírtelle á popular Raquel Arias de que “é moi perigoso o seu triunfalismo co turismo en Lugo sen datos reais que avalen a xestión da Xunta, senón que a retratan”, despois de que Arias dese unha rolda de prensa esta semana para alabar a xestión do goberno autonómico neste sector na provincia. “Os datos reais están no INE ao alcance de calquera, e din que a xestión en turismo do PP é nefasta para Lugo”, afirma a socialista. Así, a deputada resalta cifras como que desde 2010 a 2012 o número de pernoctación na provincia descendeu en 168.710, unha caída do 17,7%, e o número de viaxeiros reduciuse en 92.401 persoas, un 15% menos en dous anos.
“Curiosamente, este descenso do turismo na provincia de Lugo entre 2010 e 2012, que tamén se produce ao mesmo tempo en Galicia, contrasta co forte aumento deste sector en España no seu conxunto e nas comunidades do norte en particular, polo que isto resalta aínda máis a pésima xestión da Xunta”, lamenta Burgo, que apunta que “pequenos incrementos en marzo e maio deste ano son anecdóticos e non compensan nin por asomo a sangría no número de viaxeiros e pernoctacións perdidos desde 2010”.
“Estes son os datos reais que Raquel Arias oculta, e que reflicten o que toda a hostelería galega e luguesa observa día a día e que reflicten a nefasta política turística do goberno de Feijóo, coa que mentres España crece, Galicia retrocede”, afirma Burgo, “pero o PP xa nos ten acostumados a estar moi lonxe da realidade”. A socialista apunta que “estes resultados non son de extrañar debido ao “descenso orzamentario e as extrañas campañas que fan só para o turismo galego”, unha “extraña política” coa que, por exemplo, “destinan máis cartos ao turismo ornitolóxico que ao turismo dos Patrimonios da Humanidade”, exemplifica.
Nin unha inversión directa ou indirecta na cidade de Lugo
“Para Lugo é inexplicable que o PP e a señora Arias intenten presumir de algo cando non teñen feito unha soa inversión en turismo da cidade, nin directa nin indirectamente”, afirma Burgo, que explica que “a cidade non se promociona en mercados externos, nin sequera nacionais, o patrimonio da cidade, como a Muralla, está desasistido pola Xunta, non colaboran co Concello en ningunha das acción de turismo que desenrolan nin na actividade cultural”.
A socialista destaca que “se a cidade de Lugo segue a manter un ritmo de visitantes adecuado é debido ao traballo do Concello, da Deputación e dos hosteleiros, pero en ningún caso do gobernó de Feijóo, que saca peito”.
Descenso da ocupación hoteleira
“Desgraciadamente”, apunta a socialista, “os restantes datos das estatísticas do INE son tamén claramente negativos”. Burgo pon como exemplos o grado de ocupación hoteleira na provincia, que “non deixa de descender, pasando de 30,99 en 2011 a 28,88 en 2012, das cifras máis baixas de España”. A estancia media do turista, un elemento da máxima importancia, descende de 2,15 a 2,07 días de 2010 a 2012, e “os datos comparados dos meses de xaneiro a maio de 2012 e 2013 indican que segue descendiendo”, indica.
Caída do persoal de hostelería e turismo rural
A parlamentaria cualifica especialmente como “gravísima” a forte caída no persoal empregado na hostelería. En 2011, a media anual era de 7.407 personas, descendendo a 6.869 en 2012. “Comparando as cifras dos primeros cinco meses de 2012 e 2013 hai un descenso de 790 persoas como media empregadas, a 886 en 2013”. A isto hai que engadirlle que o prezo medio dos hoteis en Galicia tivo unha variación interanual en 2013 do -2,9%, e a taxa interanual de ocupación no turismo rural cae en 2013 “un escandaloso 4,71%”.
Vistas as cifras, a socialista lembra que “os cambios introducidos como a creación de xeodestinos amósanse absolutamente ineficaces, como xa dixo o PSdeG no seu momento no Parlamento”, e a Xunta, “non creou nin un só produto novo que beneficie a provincia de Lugo nin fixo unha política de desestacionalización nin de fidelización, nin de creación de novos mercados”.
A Deputada de Economía, Recadación, Facenda e Especial de Contas, Carmela López, participou este sábado na presentación da décimo terceira edición do Festival Aturuxo de Bravos, que tivo lugar na Sacabeira, en Sargadelos (Cervo), xunto á presidenta da Asociación Cultural Aturuxeiros, Carmen Rivera. O festival celebrarase os días 18 e 19 de xullo no concello de Ourol, coa colaboración da Deputación de Lugo, que achega 5.000 euros para apoiar a organización desta cita xa consolidada dentro do calendario cultural da Mariña. Nesta edición, o cartel inclúe concertos de Sonoro Maxín, Belém Tajes, Filophóbicas ou Zeltia Irevire, entre outros artistas.
Xunto aos residentes estiveron o alcalde, Dani Vega, e a concelleira de Servizos Sociais, Elena Sierra, que quixeron compartir con eles esta data tan especial e pasar unha mañá moi agradable de conversa e de festa.
A cita está organizada pola Consellería de Emprego, Comercio e Emigración en colaboración con CECAP. A xornada dará comezo ás 10 da mañá nas instalacións da academia, en Burela. Haberá unha exposición por parte da Consellería sobre as novas convocatorias do programa AFD, unha mesa redonda con participación de empresas e entidades de formación; e un espazo de café-networking para intercambio de impresións e xeración de contactos.
Serán o 16 e o 19 de xuño no Pavillón da Veiga para rapaces e rapazas de 9 a 17 anos. Haberá dúas quendas: ás 18:00 h ou ás 20:00 h. Máis info no teléfono: 637774484.
O Concello de Xove, coa colaboración do IES Illa de Sarón, organizou esta proxección sobre a mobilización contra o proxecto de construción dunha central nuclear no municipio nos anos setenta. Tivo lugar este luns 10 de xaneiro no Salón de Actos. Ademais do alumnado e profesorado do IES de Xove, tamén asistiu público interesado neste episodio.
Fíxoo cunha exhibición de ximansia rítmica e de patinaxe artística que tivo lugar no pavillón do CEIP de Cervo e que contou coa participación da alcaldesa, Dolores García Caramés, e do edil de Deportes, David Rodríguez, que fixeron entrega dos diplomas e dun detalle a cada unhas das crianzas que asistiron neste curso ás escolas que tamen contaron con outras disciplinas como voleibol, multideporte ou balonmán.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
