Cervo acolle a exposición colectiva do Grupo de Artesáns da Mariña

Cervo, 2 de xullo de 2013-O Concello de Cervo inaugurou esta tarde a exposición colectiva do Grupo de Artesáns da Mariña de Lugo, na que se poden ver numerosas pezas achegadas por 13 artesáns da comarca e de 11 oficios diferentes. Deste xeito, na mostra ofrécense multitude de traballos de cerámica, madeira torneada, olería, forxa de navallas, carpintería, restauración, redes, arte floral, arxila polimérica, encaixe e carpintería de ribeira.

Unha mostra que naceu a iniciativa dos artesáns, que xa veñen traballando xuntos en proxectos como as Rutas de Artesanía e os Obradoiros con Alma e que agora decidiron recompilar aquel material máis representativo do seu traballo e xuntalo para conformar unha exposición.

Á inauguración, que tivo lugar esta tarde, acudiron o alcalde de Cervo, Alfonso Villares, a edil de Cultura, Begoña Alonso así como varios dos artesáns que participan na exposición, entre eles tres cervenses: Francisco Fra, carpinteiro de ribeira, Estéfano Gudín, ceramista, e Mari Luz Méndez, palilleira.

A edil de Cultura explicou que este é o segundo concello no que recala esta exposición itinerante, que tamén percorrerá outros municipios da Mariña e que ten o obxectivo de “mostrar el trabajo que realizan habitualmente los artesanos de oficios tan diferentes pero que al fin y al cabo, construyen arte con las manos”. Alonso valorou moi positivamente esta iniciativa de expoñer os traballos de forma conxunta porque permiten aos visitantes “contemplar una gran variedad de oficios y al mismo tiempo, conocer con más profundidad y en primera persona las múltiples joyas de la artesanía que se crean en los numerosos talleres de A Mariña”.