O Burela FS Pescados Rubén FS continúa traballando para ter todo a punto no comezo de pretempada, que arrincará o vindeiro luns, 5 de agosto. Despois das renovacións dos capitáns, Juanma e Edu, tamén formalizou o seu compromiso laranxa para 2013-14 o viveirense Christian Chao, outro dos xogadores de longa traxectoria nas filas burelistas. “O Burela FS é a miña casa. En toda a súa historia leva demostrando que é un dos clubs máis serios de calquera categoría; por iso me sinto contento e agradecido de poder dispoñer desta oportunidade un ano máis”, admitía o mariñán, antes de iniciar a súa quinta tempada de laranxa.
Na compaña do presidente, Manuel Blanco, e o tesoureiro, Rubén Blanco, o ala da cidade do Landro amosouse moi motivado coa nova andadura na elite, reflexionando sobre o calendario ligueiro: “O obxectivo pode ser un pouco máis ambicioso. Despois da recta final de tempada e con algunhas chegadas, poderemos avanzar un pouco. Teremos un calendario máis equilibrado, sen a acumulación dos grandes rivais como nos aconteceu o ano pasado; non será excesivamente complicado nin ao principio nin ao final e poderemos gozar da visita de ElPozo, FC Barcelona e Inter arroupados pola nosa fiel afección na primeira volta”.
Na preparación dun proxecto burelista que afrontará 2013-14 coa bandeira do talento e a xuventude, o experimentado ala, de tan só 26 anos, valorou a determinación da entidade por impulsar a estrutura de base cara ao equipo sénior: “O Burela FS está optando por un camiño que dá resultado; darlle cabida á base é primordial e máis no caso deste club, que traballa cunha escola de moito potencial. Juanlu é un adestrador ao que lle gusta a canteira e ten moito para ensinar a xogadores novos e non tan novos”, opinaba o viveirense, que participou de forma moi activa no recente VII Campus Mixto Internacional do club mariñán.
“Agradezo tanto ao club coma ao adestrador a confianza depositada en min; espero compensalo con todo o meu traballo”, concluíu Christian.
Resultou gañador na categoría A, destinada a participantes de até 14 anos, Daniel Franco Fernández. Na categoría B, para maiores de 14 anos, a obra seleccionada foi a presentada por Maite Fernández Cendoya.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
