Galiza, 30 de xaneiro de 2013.- Os días 24 e 25 de xullo tivo lugar en Madrid a Conferencia Sectorial de Agricultura, co fin de debater e acordar o modelo de aplicación da reforma da PAC 2015-2020 no marco do Estado español.
A maioría das comunidades autónomas que fan parte do Estado español, incluída a da Galiza, deron por boas as propostas presentadas polo Ministerio de Agricultura a excepción de Euskadi e Cataluña.
Os motivos que alegan as representacións dos gobernos vasco e catalán, para as non aceptar, teñen a ver coa vontade do goberno español de “españolizar” a agricultura, así como valeirar de competencias ás comunidades autónomas.
Galiza, ao igual que Euskadi e Cataluña, ten competencias plenas e exclusivas en materias como agricultura, gandería e monte, no marco da aplicación da política agraria no seu territorio. Os gobernos destas dúas nacións esixiron do goberno español que respecte as competencias lexislativas, executivas e de xestión que teñen transferidas en materia agrícola e que de non ser así resérvanse o dereito a usar todas as acción que consideren oportunas. Esta posición contrasta coa mantida polo goberno galego, que parece estar de acordo coa usurpación das competencias que Galiza ten.
A Federación Rural Galega – FRUGA xa denunciou no seu momento, cando o día 20 de xullo organizamos un seminario co obxectivo de propor unha alternativa galega para a aplicación da nova PAC, o intento recentralizador que o Ministerio de Agricultura intenta implantar baixo a escusa da harmonización, co falso argumento de evitar desigualdades de trato entre as persoas beneficiarias.
A FRUGA defende que as axudas só as cobren aquelas persoas físicas ou xurídicas que cumpran coa condición de Agricultor/a a Título Principal e que se limiten as axudas a un máximo de 100.000€ por solicitante e que se aplique un pagamento adicional ás primeiras hectáreas, así como establecer axudas ligadas ao sector leiteiro e de vacún de carne. No sector do viño apostamos por manter os dereitos de plantación e as axudas específicas deste sector.
Todas estas propostas non foron tidas en conta na Conferencia Sectorial, co que a agricultura galega sairá perdendo, mas o mais preocupante ten a ver coa política de desenvolvemento rural. Até agora Galiza contaba dun programa propio, agora o goberno español quere apropiarse da maioría dos programas que contemplaban o PDR galego e dos fondos que os amparaban.
Desde o noso punto de vista fica claro que Galiza non pode renunciar a ter unha política agraria propia ao tempo que defender unha posición clara e valente perante as agresións do goberno español para mellor defender os nosos sectores produtivos agrarios e un mundo rural galego vivo e con futuro.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
