O xogo coeducativo Trivial Feminista, un proxecto impulsado e creado polo Observatorio da Mariña pola Igualdade en colaboración con dez IES da Mariña de Lugo, non deixa de sorprender. Dende a súa presentación, o pasado mes de abril, xa se distribuíron máis da metade dos Trivials Feministas editados e o Observatorio foi convidado a presentalo en diversas xornadas de mulleres, como as organizadas pola Asociación Socio-Pedagóxica Galega en Pontevedra no mes de maio.
Nesta primeira semana de xullo o Observatorio presentará o Trivial Feminista en Burela e Cangas do Morrazo. A presentación de Burela está enmarcada no curso de verán Facendo a ciencia accesible desde a divulgación, un foro de formación, reflexión e debate arredor de diferentes temas científicos de actualidade, abordados todos eles cun enfoque divulgativo. O curso de verán, organizado polo IES Monte Castelo e a Universidade de Coruña, terá lugar o 3 e 4 de xullo no Salón de Plenos do Concello de Burela. A presentación Trivial Feminista, as mulleres científicas na aula, será o xoves 4 ás 16:00h e intervirán Ana Méndez-Iragorri, técnica do Observatorio, e Inés García Seijo, profesora de Física e Química no IES Monte Castelo.
Na fin de semana o Observatorio desprazarase ao sur de Galiza convidado ás XIII Xornadas Mulleres en Acción, enmarcadas na 30 Mostra Internacional de Teatro Cómico e Festivo (MITCF) de Cangas do Morrazo, que teñen por obxectivo a divulgación de proxectos, espectáculos, ideas, noticias e todo aquilo que favoreza a coeducación e a visibilidade das mulleres. O sábado 6 de xullo, ás 18.30h na Sala de Exposicións do Auditorio de Cangas, o Observatorio presentará o Trivial Feminista nunha mesa redonda na que a Libraría Lila de Lilith de Compostela e as Maribolheras Precarias tamén presentarán os seus proxectos.
O domingo día 7 ás 22.30h no Auditorio Municipal de Cangas, na clausura da 30 MITCF, o Observatorio terá a honra de recoller o II Premio Mulleres en Acción por impulsar e crear o xogo coeducativo Trivial Feminista. Un premio que o Observatorio recibe abraiado – o ano pasado, na súa primeira edición, foi outorgado a unha histórica do feminismo galego como é María Xosé Queizán – e emocionado, pois supón un enorme recoñecemento a nivel galego ao traballo dunha pequena asociación feminista que conta con tan só 5 anos de andaina e que ten como ámbito de actuación a Mariña de Lugo.
Recordar que o xogo coeducativo Trivial Feminista ten por obxectivo visibilizar e pór en valor as achegas e logros das mulleres de distintos recantos do planeta e de distintos períodos históricos. Conta con 1000 preguntas sobre mulleres (200 de Ciencias, 200 de Xeografía e Historia, 200 de Arte e Literatura, 200 de Deportes e 200 de Cultura e Espectáculos) e na súa elaboración participou alumnado de secundaria dos IES de Alfoz, IES de Foz, IES Perdouro e IES Monte Castelo de Burela, IES Dionisio Gamallo Fierros e IES Porta da Auga de Ribadeo, IES Marqués de Sargadelos de Cervo, IES San Rosendo de Mondoñedo, IES Vilar Ponte de Viveiro e IES Illa de Sarón de Xove. Un total de 10 dos 12 IES da Mariña.
O Trivial Feminista ten un custe de 40 euros (35 para soci@s do Observatorio) e pódese adquirir poñéndose en contacto co Observatorio a través do mail observatorioigualdade@gmail.com ou no teléfono 627.037.668.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
