Santiago, 5 de xullo de 2013.- Segundo deu a coñecer este venres 5 de xullo o voceiro do Mar do Grupo Parlamentario Popular e secretario do Parlamento de Galicia, Jose Manuel Balseiro, o Goberno galego, a través da Consellería de Cultura e Educación, traballa na declaración como Ben de Interese Cultural (BIC) das técnicas construtivas das embarcacións tradicionais galegas
Este feito suporía, en opinión do parlamentario, un paso moi relevante por canto blindaría e poría en valor este tipo de actividades de grande importancia para a permanencia da identidade e da cultura mariñeira galega a través do tempo.
ESTALEIROS TRADICIONAIS
O deputado explicou que a Dirección Xeral de Patrimonio Cultural é o organismo encargado de dar os primeiro pasos para acadar esta declaración que poría en valor este proceso. Precisamente ten previsto darse conta dos trámites que se están a seguir no XI Encontro de Embarcacións Tradicionais de Galicia, que se celebrará en Outes do 11 ao 14 de xullo.
Segundo explica Balseiro, esta é unha moi boa nova para moitos estaleiros tradicionais galegos que, nun ámbito caracterizado polo traballo artesanal, desenvolven este tipo de procesos construtivos de embarcacións tradicionais.
O secretario da Cámara galega dixo que o coñecemento técnico experto das embarcacións tradicionais marítimas e fluviais é un valor patrimonial que o Goberno galego entende que é xusto recoñecer, para asegurarlle un marco xeral que permita un posterior inventario rigoroso de tipoloxías e de todo o universo que o rodea, tanto lingüístico como xeográfico, técnico, etc.
A propia lei permite incluír este tipo de valores inmateriais como bens de interese cultural cando reflicte que teñen “valor etnográfico e gozarán de protección aqueles coñecementos, actividades, prácticas, saberes e calquera outra expresión que procedan de modelos, técnicas, funcións e crenzas propias da vida tradicional galega”.
MÁIS PROTECCIÓN, MÁIS AXUDAS
A declaración de ben de interese cultural implica ademais a aplicación inmediata e provisional dun reforzado réxime de protección previsto na lei de Patrimonio Cultural así como a posibilidade de acceso a axudas específicas de apoio a este sector.
Incluso a normativa establece que cando estean en previsíbel perigo de desaparición, perda ou deterioración, a Xunta promoverá e adoptará os medidas oportunas conducentes ao seu estudo, documentación científica e á súa recollida por calquera medio que garanta a súa transmisión e posta en valor.
Corresponde ao Consello da Xunta de Galicia acordar a declaración definitiva de Ben de Interese Cultural, unha vez remate o proceso administrativo que agora se inicia.
Este trámite vai dirixido ás familias que presentaron a solicitude de praza durante o período de preinscrición, e deberá completarse de forma presencial nas instalacións da escola municipal. O prazo estará aberto ata o luns 2 de xuño. Lémbrase que a formalización da matrícula é imprescindible para confirmar a admisión do neno ou nena. Ademais, as familias que non solicitaran praza no seu momento poden achegarse ao Departamento de Servizos Sociais do Concello, onde poderán recoller o impreso correspondente.
Estivo organizado pola Asociación Cultural e Artesanal de Mulleres Palilleiras "As Encaixeiras" e contou co apoio do Goberno galego. O porto de Burela foi o escenario no que as palilleiras convocadas amosaron o seu traballo ás persoas que se achegaron. O programa incluiu tamén degustación de empanada de pescada e visitas ao Monte Castelo e á igrexa da Vila do Medio, así como actividades infantís de pintacaras e globoflexia, entre outras.
Con motivo desta celebración, acercouse ao seu domicilio a alcaldesa, Efigenia Maseda, como representante do Concello, para agasallalo cunha cesta de produtos variados. A alcaldesa afirma que “cumprir 103 anos é algo excepcional e merece todo o recoñecemento do Concello”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
