A Deputación valora como un éxito a convocatoria da edición especial para o verán de Km0 Infantil. Durante os meses de xuño e xullo 656 rapaces participaron nas actividades de lecer medioambiental do programa Km0 Infantil, unha iniciativa totalmente gratuíta da Deputación que obtivo un grande éxito de participación. O organismo provincial impulsou por primeira vez este verán este programa especial co obxectivo de poñer en valor o medio rural lucense e converter ós nenos en pequenos embaixadores da provincia.
Os cativos puideron escoller entre dúas opcións nesta edición especial. Na Granxa Garabullos de Cospeito 476 pequenos realizaron varias actividades de contacto coa natureza. A visita comezaba cunha ruta guiada polos arredores da granxa, xogaron interactuando cos animais e a terra, participaron nun obradoiro de reciclaxe e gozaron doutros xogos e danzas.
A outra opción, que se podía visitar entre os días 16 a 19 de xullo, é o Centro Avifauna en Outeiro de Rei, alí 180 rapaces coñeceron con este programa 200 especies diferentes de aves dos 5 continentes. As características deste parque zoolóxico fano único na comunidade galega.
O programa km0 infantil está financiado nun 80% a Unión Europea a través do plan Lug02, polo que os cativos contan con transporte para a excursión que os recolle na sua zona e os traslada ata o destino escollido.
Actividades para toda a familia
As actividades que organiza a Deputación para nenos e familias continúan, neste caso no Centro de Interpretación Terras do Miño. Nos vindeiros días as familias poderán gozar de talleres de relaxación, noites de lúa chea para descubrir os mitos e lendas da provincia ou converterse en pequenos científicos e espías da natureza. Aínda quedan praza libres para algunhas actividades, polo que os interesados deben darse presa para apuntarse na web www.deputaciondelugo.org onde atoparán toda a información relativa ás Actividades Medioambientais do Centro de Interpretación Terras do Miño ou no teléfono 982-227-812.
Para o día 21 aínda quedan prazas para participar no obradoiro de relaxación que se celebrará entre as 11 da mañá e as 2 da tarde. Ó día seguinte no Paseo do Río Rato ás 22:00 horas para adultos e familias está prevista a actividade para desfrutar da lúa chea e coñecer as lendas da galegas.
Os cativos de entre 3 e 6 poderán xogar a ser espías da natureza nun primeiro contacto co medio nas mañás dos días 23 e 24 de xullo e os rapaces de 6 a 12 o día 29 de xullo fabricarán os seus propios xoguetes con materiais da natureza. O mes de xullo remata con actividades de colaboración para pais e fillos que se queiran converter en pequenos científicos durante as mañás dos días 30 e 31 de xullo.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
