Lourenzá, 15 de xullo de 2013. O Concello de Lourenzá empezará os trámites para solicitar ao Instituto Nacional de Estadística (INE) a recuperación oficial do topónimo Canedo, despois de acordarse por unanimidade na reunión veciñal celebrada onte. Anunciouno hoxe a alcaldesa de Lourenzá, Emma Álvarez Chao, quen tamén comentou que algúns dos asistentes a esa xuntanza aproveitaron para pedir información sobre a liña eléctrica Boimente-Pesoz, que pasará por esa zona. Por este motivo a rexedora xa está organizando unha charla sobre ese asunto, acto público que se celebrará este mes.
Emma Álvarez explicou que “no campo da festa de Canedo tivemos onte unha xuntanza promovida polas asociacións de veciños de San Adriano e de Santo Tomé para falar cos residentes nas dúas parroquias que pertencen ó antigo termo de Canedo, denominación que no nomenclátor está desaparecido dende o ano 1996. A idea é recuperar este termo, máis que nada porque Canedo é un dos topónimos máis antigos que ten o concello. E sobre todo agora que estamos a rehabilitar o Pazo de Tovar, situado no coto de Canedo, ten unha especial importancia o termo, posto que está intimamente ligado á historia deste pazo. Na reunión había veciños de Canedo, tanto da parroquia de Santo Tomé como da de San Adriano, e por unanimidade de tódolos presentes tomouse o acordo de iniciar os trámites para recuperar este nome”.
A alcaldesa engadiu que “primeiramente hai que facer unha delimitación dos lugares, que pasarán a ser vías; posteriormente terá que aprobarse no pleno da corporación municipal e para rematar, enviar a solicitude ó Instituto Nacional de Estadística para que sexa aprobada. No día de onte repartimos uns planos cos distintos barrios que no Concello figuran dentro do territorio que pasaría agora a ser lugar de Canedo e os veciños tratarán entre eles de ver os erros que pode haber neses planos, como poden ser os números das casas ou incluso que algunha das vivendas a teñamos localizada nun lugar que pertence a outro dentro do mesmo Canedo”.
Por outra parte, na xuntanza veciñal de onte en Canedo tamén saíu a relucir a liña eléctrica Boimente-Pesoz, que pasará por esa zona. A rexedora comentou que “é un tema que preocupa bastante ós veciños, non só de Canedo, senón tamén ós doutros lugares do concello”. Por iso anunciou que “dentro das charlas que todos os meses estamos a organizar no Concello, propuxeron facer unha sobre a liña Boimente-Pesoz para que alguén de Red Eléctrica veña explicar o paso da liña e como se ven afectados os titulares dos terreos por onde discorrerá. Xa me puxen en contacto con membros de Red Eléctrica e antes de que remate o mes faremos esta reunión que será aberta a todos os veciños de Lourenzá”.
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
A actividade conta coa colaboración do Concello.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
