Lourenzá, 15 de xullo de 2013. Este vindeiro sábado, día 20 de xullo, remata o prazo para presentar traballos ao concurso de carteis sobre a 23ª edición da Festa da Faba, que convocaron o Concello de Lourenzá e a asociación de comerciantes, industriais e autónomos do municipio (ACIAL).
A concelleira de Cultura, Lupe Flórez Seivane, explicou que “é a primeira vez que se organiza un certame para a elaboración do cartel anunciador deste festexo, imaxe que van levar tamén os programas, os dípticos de man e os demais materiais que se utilicen para anunciar o evento, que se celebrará os días 5 e 6 de outubro”.
Lupe Flórez lembrou que “é un concurso de carácter infantil e xuvenil aberto a nenos e rapaces de ata 16 anos, que poden participar presentado os seus traballos nas oficinas municipais de Lourenzá persoalmente ou a través de distintos medios (mensaxería ou correo postal) ata o vindeiro sábado, día 20 de xullo. Todos os traballos que se presenten deberán ir non só en formato dixital, se así o desexan os participantes, senón que deben estar obrigatoriamente impresos en formato cartolina tamaño A4. E todos eles deben reflectir nalgún dos espazos do cartel a lenda XXIII Festa da Faba así como Lourenzá 5 e 6 de outubro, que son as datas escollidas para a celebración da festa neste ano”.
A edil de Cultura engadiu que “é un concurso aberto á infancia e á xuventude non só de Lourenzá, senón a todos aqueles que queiran participar. Para dalo a coñecer colgáronse as bases na web do Concello e, por outra banda, foron remitidas a todos os centros educativos da Mariña por se fora do seu interese difundilas entre o seu alumnado”.
En canto ao premio, Flórez comentou que “vai ser un obsequio representativo da Festa da Faba e, por outra banda, a colaboración da ACIAL será precisamente na outra parte do premio deste concurso, xa que está dotado cun vale de 50 euros para gastar nos establecementos adheridos á asociación de comerciantes laurentina”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
