O xogo coeducativo Trivial Feminista, un proxecto impulsado e creado polo Observatorio da Mariña pola Igualdade en colaboración con dez IES da Mariña de Lugo, non deixa de sorprender. Dende a súa presentación, o pasado mes de abril, xa se distribuíron practicamente todos os Trivials Feministas editados e o Observatorio foi convidado a presentalo en diversas xornadas: nas Xornadas das Mulleres organizadas pola Asociación Socio-Pedagóxica Galega en Pontevedra no mes de maio, no curso de verán da Universidade da Coruña e o IES Monte Castelo Facendo a ciencia accesible desde a divulgación, que tivo lugar en Burela na primeira semana de xullo ou nas XIII Mulleres en Acción da 30 Mostra Internacional de Teatro Cómico e Festivo de Cangas (MITCF) que tiveron lugar este pasado fin de semana en Cangas do Morrazo.
Precisamente en Cangas do Morrazo o Observatorio da Mariña pola Igualdade recibiu un importante recoñecemento por crear o Trivial Feminista. O xogo coeducativo foi presentado o sábado 6 nas XIII Xornadas Mulleres en Acción (enmarcadas na 30 MITCF) na Sala de Exposicións do Auditorio de Cangas, nunha mesa redonda sobre proxectos activos nas que tamén estaban as compañeiras da libraría feminista Lila de Lilith de Santiago de Compostela e as Maribolheras Precarias da Coruña presentando os seus proxectos.
O domingo 7 ás 22.30h, na clausura da 30 MITCF, o Observatorio recolleu o II Premio Mulleres en Acción por impulsar e crear o Trivial Feminista, un xogo coeducativo que ten por obxectivo visibilizar e pór en valor as achegas e logros das mulleres de todas as partes do mundo e de todas as épocas históricas. Unha honra e un agasallo que o Observatorio recibiu con ilusión e emoción ante un ateigado Auditorio.
O Premio Mulleres en Acción, que na súa primeira edición o ano pasado foi outorgado a María Xosé Queizán, referente do feminismo galego, supón un recoñecemento moi significativo a nivel galego para unha asociación feminista tan moza como o Observatorio da Mariña pola Igualdade, que ten como ámbito de actuación a Mariña de Lugo e que dos cinco anos que leva en activo case dous estiveron dedicados a elaborar o Trivial Feminista.
O Trivial Feminista, que conta con 1000 preguntas sobre mulleres (200 de Ciencias, 200 de Xeografía e Historia, 200 de Arte e Literatura, 200 de Deportes e 200 de Cultura e Espectáculos) foi posible grazas á implicación da maioría dos IES da Comarca, aos que o Observatorio lles quere agradecer de novo o seu traballo: IES de Alfoz, IES de Foz, IES Perdouro e IES Monte Castelo de Burela, IES Dionisio Gamallo Fierros e IES Porta da Auga de Ribadeo (agora IES Ribadeo), IES Marqués de Sargadelos de Cervo, IES San Rosendo de Mondoñedo, IES Vilar Ponte de Viveiro e IES Illa de Sarón de Xove. Un total de 10 dos 12 IES da Mariña.
Quen desexe adquirir un Trivial Feminista pode poñerse en contacto co Observatorio a través do mail observatorioigualdade@gmail.com ou no teléfono 627.037.668. O Trivial Feminista ten un prezo de 40 euros (35 euros para soci@s do Observatorio).
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
