Cervo, 4 de xuño de 2013.- O Partido Popular de Cervo arremeteu hoxe contra o único concelleiro nacionalista na corporación, Xoán Antón Estúa a quen lle acusou de torpedear os consensos e de manipular politicamente á Comisión Sanitaria de Cervo.
Os populares aseguran que a estratexia de instrumentalización partidista promovida por Xoán Antón Estua en colaboración co PSOE local levou á división deste colectivo que a diario sufre un goteo de abandonos por parte das asociacións máis importantes e representativas do municipio, tras rexeitar a manipulación política desta plataforma.
Os populares insisten en que foi o BNG e, moi en concreto, a estratexia posta en marcha por Xoán Antón Estua a que impide desenvolver unha posición unitaria no concello e que é a súa intransixencia e sectarismo político a que leva á ruptura de calquera acordo.
Os populares aseguran que seguirán traballando por garantir a calidade sanitaria de Cervo con independencia de que non podan facelo da man duns partidos, os da oposición, que están tirados ao monte.
RESPECTO ÁS ASOCIACIÓNS
Desde o PP cualifican de impresentable escoitar a un concelleiro local (Estua) desprezando e faltando ao respecto ás asociacións do concello e sinalando bos e malos en función de que compartan ou non a estratexia de marcada por socialistas e nacionalistas.
Os populares amosan o total respecto ás decisións que poidan adoptar as distintas asociacións, en uso da súa liberdade, tanto se deciden formar parte como se non do colectivo sanitario, e lamentan que algunhas destas asociacións sexan obxecto das críticas airadas do BNG que non respecta nin a independencia nin a neutralidade dos veciños.
REBENTADORES PROFESIONAIS
Por outra banda o PP acusa a este concelleiro de ser o responsable de traer de fóra do concello rebentadores profesionais que tiñan por obxecto xerar polémica tanto no último pleno municipal como nas concentracións e din que moitos veciños están escandalizados polas actitudes e propostas violentas que estas persoas realizan.
Desde o PP dirixen finalmente unha reflexión ao conxunto da militancia nacionalista en Cervo, xa que logo como calquera pode comprobar a estratexia seguida polo seu único concelleiro e portavoz lévalle ao BNG á desaparición. De feito Estua ten no seu haber perder un importante número de votos e pasar de dous representantes a só un concelleiro nacionalista. Prognostica que de seguir a estratexia de Estua o BNG desaparecerá da Corporación Municipal porque non obterá representación.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
