O CD Burela FS Pescados Rubén presentou na mañá deste luns 15 de xullo a sétima edición do Campus Mixto Internacional de Fútbol Sala Base da entidade laranxa, que arrancará o xoves, 18, e se prolongará ata o domingo, 21. Xunto ao vicepresidente do club, José Luis Sáez, estiveron no consitorio burelao a concelleira de Deportes, Beatriz Piñeiro; o presidente da Fundación Imdecum, Marcelino Luna; o vicedirector do IES Monte Castelo, Alfonso Iglesias; e o delegado de A Mariña-El Progreso, Pablo Villapol.
José Luís Sáez destacou o esforzo da entidade mariñá para seguir coa cita nuns tempos nada doados para o deporte e agradeceu a gran resposta entre o alumnado, a predisposición do profesorado e o apoio aos colaboradores “por unha axuda moi necesaria para garantir a realización e continuidade deste campus”: “Neste sétimo ano recibiremos nenos de toda Galicia e Asturias, cunha alta participación de alumnado feminino, e teremos o privilexio de volver contar con técnicos e xogadores de recoñecido prestixio internacional no fútbol sala”.
O Concello e o IES Monte Castelo loaron a pervivencia “dun campus que conseguiu posicionarse como unha referencia na ensinanza do fútbol sala dentro e fóra de Galicia e que tenta superarse ano tras ano na experiencia, sabedoría e traxectoria do seu profesorado”. Dende Imdecum, Marcelino Luna tamén coincidiu con Piñeiro e Iglesias en aplaudir o percorrido da cita burelista e en amosar a súa dispoñibilidade para seguir mantendo a súa colaboración na promoción do deporte e a saúde entre a xuventude.
O Campus Laranxa conta co patrocinio da Área de Deportes da Deputación de Lugo, Concello de Burela e Fundación Imdecum, ademais da colaboración do Concello de Cervo, IES Monte Castelo e CEIP Vista Alegre. A Mariña-El Progreso é o xornal oficial do clínic.
Matrícula
Ata o martes 16 de xullo a matrícula estará aberta (de 6 e 16 anos) para gozar dunha cita que contará co ex-técnico do Caja Segovia e novo adestrador do Eto Gyor de Hungría, David Madrid, o director deportivo do Inter Movistar, Javier Lorente, e o seleccionador de Galicia Sub-23 Feminina, Manuel Castillo, ademais dos adestradores do Burela FS Pescados Rubén de Primeira, Juanlu Alonso e Quico Otero. A folla de inscrición está á disposición das persoas interesadas nas oficinas do club (avda. Arcadio Pardiñas, número 91) ou a través de www.burelafs.org/campus. As tarifas para o alumnado da ED EON Burela FS e dos clubs vinculados á entidade laranxa por convenios será de 35 euros e para o resto de 50. Aqueles/as alumnos/as que o desexen tamén poderán escoller entre un réxime de media pensión (25 euros máis) e un de pensión completa (60 euros máis).
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
