Rematan as xuntanzas que o PP mantivo cos veciños de Ribadeo sobre a PAC

Ribadeo 8 de xullo de 2013.- O presidente do PP de Ribadeo, Jesús López Penabad, calificou de “moi satisfactorias” as xuntanzas que o partido popular mantivo cos veciños de dúas parroquias ribadenses para informar sobre a PAC (Política Agraria Común).

Nos lugares de Villamariz e A Devesa, os populares trasladaron aos veciños o acordo entre Ministerio de Agricultura, Alimentación e Medio Ambiente e a UE, un acordo que aínda non é formal, pero si moi importante e definitorio de por onde vai ir a nova Política Agraria Común.

“Achegar a administración aos agricultores foi o obxectivo destes encontros”- manifestou López Penabad, quen aclarou aos asistentes que este acordo recolle básicamente aqueles puntos que as CCAA pactaban para a súa defensa co goberno do Estado.

En ámbolos dous lugares ribadenses, López Penabad asegurou que podería adiantarse que efectivamente si que se teñen acadado acordos favorables en Galicia para a mellora do acordo para axudas acopladas (as que se dan en función do número de cabezas de gando e de producción e a mellora no acordo acadado sobre a converxencia interna ou homoxeneización dos pagos directos que propoñía a Comisión Europea e que facía temer pola viabilidade de sectores como o lácteo galego.

Unhas xuntanzas para achegar a Administración aos ribadenses e que contaron con un alto número de asistentes.