Lugo, 13 de xullo de 2013. A Xunta de Goberno da Deputación de Lugo aprobou este venres 12 de xullo o procedemento de adxudicación e os pregos técnicos e administrativos das áreas recreativas deste organismo provincial e que corresponden aos clubs náuticos de Doade, no concello de Monforte de Lemos, Belesar Presa, en Chantanda, e o de Portomarín no concello que leva o mesmo nome. Así o anunciou Mario Outeiro, delegado de Cultura e Turismo, quen precisou que esta “adxudicación, que se levará a cabo de xeito individual para cada área recreativa, responde ao obxectivo da área de Turismo de reforzar a oferta turística da provincia dando solución a un problema real creado despois de que os anteriores adxudicatarios renunciasen á concesión administrativa”.
“Entendemos –continuou Outeiro- que ademais de iniciar o proceso para a súa adxudicación, debemos de redefinir o papel e funcións que deben cumprir os clubs náuticos en relación á oferta turística de cada concello e da comarca”.
Nese senso e como se establece nas bases do concurso público, a parte de valorar a oferta económica que suporá o corenta por cento da puntuación, valoraranse dous aspectos novidosos neste tipo de adxudicacións que suporán o sesenta por cento e que están vinculados á proposta de actividades turísticas complementarias, xa que estudos turísticos están a relevar a importancia de que a oferta turística concreta vaia acompañada dun programa de actividades complementarias en canto son estas as que fan que os viaxeiros permanezan máis tempo no lugar de destino.
“Para o fomento do turismo – puntualizou o delegado de Cultura e Turismo- que os clubs náuticos traballen tamén como auténticos puntos de información turística e se convertan en escaparates de todo o que pode ofrecer a Ribeira Sacra, facendo especial énfase en todo aquilo que a diferenza, como os seus viños, a súa gastronomía ou mesmo o artesanía da zona. Todos eles produtos de valor engadido que fan á Ribeira Sacra aínda máis atractiva”.
Desde á Vicepresidencia da Deputación insístese na importancia de vincular o sector turístico co sector primario e secundario da comarca en canto estes dous están a ser capitais na súa economía.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
