Burela, 24 de agosto de 2013. A poboación de Burela segue en aumento a pesares da crise, segundo os datos que figuran no padrón municipal e que poden sufrir modificación ao longo das vindeiras semanas. A día de hoxe o concello conta con 9.780 habitantes, dos que o 12,96% son estranxeiros. Na actualidade conviven en Burela 44 nacionalidades ademais da española.
O 31 de decembro do 2012, o Instituto Nacional de Estatística publicou os datos oficiais que revelaban un aumento de 20 habitantes en Burela con respecto ó ano anterior, quedando a poboación total en 9.653 persoas. Destes case dez mil residentes, 1.206 eran estranxeiros, cun total de 715 homes e 491 mulleres. A porcentaxe de cidadáns doutros países representa o 12,45% da poboación total. As familias netamente estranxeiras que residen en Burela, é dicir aquelas nas que todos os seus membros son estranxeiros, son 280, segundo os datos do INE.
Nesa data, a finais do ano pasado, había 40 nacionalidades distintas ademais da española. A comunidade máis ampla era a caboverdiana, con 424 persoas, seguida por Perú con 163. Entre as máis pequenas, con un so membro cada unha, estaban, entre outros, Bulgaria, Irlanda ou Xapón.
A día 22 de agosto de 2013 o alcalde do Concello, José María González Barcia, ofrecía datos do padrón municipal: “datos non oficiais que poden sufrir modificacións ata que o INE os peche o 31 de decembro deste ano. Non son polo tanto datos concluíntes”. Ese informe amosa que a poboación total de Burela actualmente é de 9.780 persoas.
A poboación estranxeira aumentou respecto ós últimos datos oficiais do INE, sendo 1.268 persoas doutras nacionalidades e chegando xa a un 12,96% do total de persoas empadroadas no concello de Burela. Hai un incremento de 62 foráneos, dos que 739 son homes e 529 mulleres. O número de unidades familiares netamente estranxeiras, segundo o padrón municipal de Burela, é de 283.
A cifra de nacionalidades aumentou en catro, sumándoselles ás xa existentes Nicaragua, Panamá, India e Mauritania, cunha persoa representando a cada unha. A comunidade estranxeira máis importante segue sendo a caboverdiana, con 452 persoas, seguida de Perú no segundo posto con 177 membros. Bulgaria, Irlanda e Xapón seguen tendo soamente un residente, ó igual que Guinea-Bissau, que conta cun cidadán. Aumentou a poboación indonesia e china, esta última con nove membros, e a estadounidense conta con seis.
A pesares da crise actual a poboación de Burela segue a medrar, “algo no que tivo incidencia tamén o incremento das comunidades inmigrantes”, segundo indicou o rexedor, José Mª González Barcia.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
