A Asociación Cultural A Pomba do Arco vai organizar o Domingo 8 de Setembro unha viaxe cultural a Ribeira Sacra que pretende darlle continuidade ao traballo da mesma de dar a coñecer e divulgar o noso país desde unha perspectiva multidisciplinar e sen unha vocación erudita, pretendemos en fin descubrir Galiza.
A viaxe cultural que está aberto ao conxunto dos asociados da entidade e dos veciños da Mariña ten un custo de 20 euros para socios e de 25 euros para non socios, incluíndo nestas contías a totalidade dos custos das actividades, que no caso que nos ocupa refírense á viaxe en catamarán, á visita ao Museu Etnográfico da Ribeira Sacra, a Rota do Románico de Pantón e ao xantar que se celebrará na casa rural “Torre de Vilariño”, na localidade de Fión, Concello de Saviñao e que incluirá de primeiro pementos de piquillo recheos, empanada da casa e entremeses caseiros da zona e de segundo carne asada e pescada á galega.
O programa da excursión que partirá ás 8:00 de diante da Casa do Concello de Foz dará comezo cunha viaxe en catamarán polos canóns do Sil, con saída ás 11.00 h de Doade, percorrido polo Sil e chegada a Illa de Maiorgue onde se conservan restos dunha fortaleza templaria, dos poucos restos da orde do Temple nas terras de Lugo. Aínda antes de xantar realizarase unha visita ao Museu Etnográfico da Ribeira Sacra, situado no Pazo de Arxeriz en Fión, nunha extensa fica fundada polo filantropo Xan de Forcadas onde tuvo a súa orixe a misión biolóxica de Galiza e por medio da cal entraron no noso País un número importante de cultivos. Na actualidade este conxunto alberga a máis importante coleccións de batucos de Galiza, embarcacións e artes de pesca utilizadas nos rios, así como, a meirande colección de traxes do entroido ribeirao.
Unha vez rematada a xornada de mañá co xantar que vimos de referir percorreremos unha pequena mostra do amplo conxunto románico da zona que nesta ocasión centraremos no concello de Ribeira de Pantón, a empezar polo Mosteiro de San Salvador, unha construción do período do Cister, levantado no século X, rexentado por unha orde feminina a día de hoxe, a seguido visitaremos a igrexa de San Miguel de Eiré, do século XII, con restos prerómánicos e pinturas do século XV, para rematar coa visita a ermida de San Fiz de Cangas, edificación do período suevo, que garda os restos daquel grande galego do século IX que foi Roi López de Quiroga.
A viaxe cultural ten prazas limitadas, derivadas de que no catamarán só teñen cabida 50 viaxeiros, polo que pregamos a inscrición coa máxima premura e nunca despois do Xoves 4 de Decembro, a este respecto para apuntarse só hai que chamar ao número de telefono 606-630-113.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
