Lourenzá, 2 de agosto de 2013. O Concello de Lourenzá firmará un convenio de colaboración coa Consellería de Medio Ambiente, Territorio e Infraestruturas, da Xunta de Galicia, para a creación dunha ruta de sendeirismo de 20 quilómetros que pasará polos principais atractivos do municipio. A obra será executada por ese departamento autonómico cun investimento de 60.218 euros.
A alcaldesa, Emma Álvarez Chao, explicou que “a realización desta ruta de sendeirismo ten como finalidade impulsar o atractivo resultante da interacción do hábitat natural coa paisaxe agraria, tan identificativa do noso concello sobre todo polo cultivo da faba, e sen pasar por alto a etnografía e a historia. É unha ruta circular duns 20 quilómetros de lonxitude aproximadamente que pasa por 8 muíños, un deles é o do Pereiro, que está totalmente restaurado. E tamén, como non podía ser doutro xeito, pasa ao carón do pazo de Tovar, ben de interese cultural que en breve albergará o Centro de Interpretación da Cultura Pacega e que será un exemplo vivo do que antano era un pazo”.
A rexedora engadiu que con esta actuación trátase de “impulsar a etnografía local; fomentar a ocupación do tempo libre, o deporte e o turismo; e tamén realzar a historia do noso concello, xa que tratamos de levar esta ruta de sendeirismo por tódalas parroquias e por lugares emblemáticos, como poden ser a igrexa de San Xurxo, que está situada sobre un castro; tamén polo monte Calvario, de San Adriano; pola beira de sete muíños e unha caleira, algún deles funcionou ata hai moi pouquiño tempo”.
Emma Álvarez salientou que “ao ser unha ruta circular, que sae do Cantón e volve ao mesmo lugar, os visitantes tamén van ter a opción de coñecer o Museo de Arte Sacra e a nosa igrexa de San Salvador co seu impresionante relicario e o sarcófago do Conde Santo”.
Ademais a alcaldesa explicou que “as actuacións contempladas neste convenio céntranse basicamente na sinalización da ruta, pero a parte máis importante da inversión será o que se vai facer na ponte do Xuncal: vamos recuperala para o que se eliminará o pavimento de asfalto que hai sobre a plataforma da ponte de pedra e unirase cun tramo de sendeiro pavimentando ata o muíño do Pereiro. Ademais acondicionarase a área da depuradora, vanse facer dúas zonas de aparcamento para que, aparte desta ruta de sendeirismo de 20 quilómetros, os que non se animen a facer tanto recorrido poidan visitar este tramo dende a ponte do Xuncal ata o muíño do Pereiro. Tamén leva a instalación dalgunha pasarela, a construción dalgunha pequena escollera de pedra e sobre todo a xestión da biomasa”.
Para rematar Álvarez Chao anunciou que nesta actuación “a inversión que a Xunta de Galicia vai facer en Lourenzá ascende a 60.217,93 euros e o Concello o único que aporta é o terreo; e unha vez acabada a obra farase cargo do mantemento e a conservación desta ruta de sendeirismo”.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
