Foz, 29 de agosto de 2013. Arredor dun cento de mariñaos e mariñás participaron na xornada de onte na Casa da Cultura de Foz nunha Asemblea convocada pola Asociación de Emigrantes Retornados da Mariña co fin de informarse de como vai repercutir entre aqueles emigrantes que non chegan ao máximo legal para facer a declaración da renda a normativa que lles obriga a realizala, as accións a emprender para dar resposta a esta situación así como os primeiros pasos para formalizar este colectivo que nace co obxectivo de obrigar ao Goberno do Estado a retirar as sancións así como a condonar os pagos dos intereses de demora que a día de hoxe están a impor nas sancións que chegan aos emigrantes.
Os e as asembleístas que participaron da xuntanza de Foz atopábanse en diversa situación, xa que só unha pequena parte recibiron a día de hoxe as multas sancionadoras, unhas multas que se aplican conforme ao establecido no Art.27 da Lei Xeral Tributaria e que implica un aumento de preto 150% respecto da contía que se verían obrigado a pagar os pensionistas na declaración da renda. Ante esta situación e dada a falla de información existente a día de hoxe diante da comunidade dos emigrantes retornados sobre esta problemática, os asistentes acordaron convocar dunha novas asembleas informativas unha en Viveiro e outra en Ribadeo que pretende achegar información aos veciños da area occidental e oriental da Mariña, unha vez que a zona central foi cuberto por este primeiro acto de Foz. Na mesma liña o colectivo formalizará a xestora do colectivo con representantes de todos os Concellos unha vez rematada esta primeira quenda de asembleas.
Os afectados e as afectadas coincidiron na necesidade de agruparse e presionar ao goberno ao fin de que se proceda a modificar a actual normativa na liña das proposicións non de lei propostas pola totalidade das forzas da oposición no Congreso e nas que se propón a supresión dos intereses de demora e as eliminación das sancións que a día de hoxe afectan arredor de 30.000 persoas no noso País. Na nosa opinión consideramos unha autentica inxustiza que o mesmo Estado que nos obrigou a emigrar, o mesmo Estado que nos botou polo mundo adiante e se aproveitou das divisas do noso traballo nos multe agora impedindo resolver un erro provocado por eles, mentres promove amnistías fiscais para os ricos e os millonarios, entres algúns banqueiros que xa nos roubaron nas preferentes. Non temos a máis mínima dúbida de que estamos diante dunha estafa das dimensións da das preferentes onde mesmo se ten pretendido cobrar a persoas que morreron en 2009 ou 2010.
Na propia Asemblea, e dada a grande cantidade de dúbidas e casuísticas particulares que xurden, desde o colectivo decidiuse abrir unha conta de correo electrónico a fin de que aquelas persoas que queiran facer chegar as súas dúbidas para ser resoltas por un asesor fiscal poidan facelo. A conta de correo é emigrantes.retornados.amariña@gmail.com e desde alí darase resposta as dúbidas por parte dos fiscalistas do colectivo que deron a charla en Foz. Aínda así os emigrantes retornados son conscientes que a solución a súa problemática vai alén das consideracións que a día de hoxe fixa a lexislación de aplicación e a alternativa ao seu problema vai ser proporcional a capacidade que teñan para facer presión, primeiro agrupando a máis xente na Mariña e coordinándose cos colectivos que a día de hoxe funcionan no resto do país. Non temos dúbida algunha que como nos demostraron recentemente os preferentistas o único camiño é a loita, e pola vía da mobilización e da loita agardamos unha solución satisfatoria para os nosas demandas.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
