Os equipos masculino e feminino do Burela FS Pescados Rubén afrontan a súa terceira semana de preparación con alicientes de elite no Horizonte Laranxa. O cadro de Juanlu, en Primeira LNFS, medirase ao Azkar Lugo enTapia de Casariego (venres 23, 19.00 horas) e ao Santiago Futsal, no Memorial Celso Currás de Trabada (sábado 24, 20.30 horas), onde a escuadra de Primeira RFEF, baixo a batuta de Quico Otero, tamén se verá as caras co Ponte Ourense (sábado 24, 18.30 horas).
Ambos os adestradores amósanse moi satisfeitos co traballo dos equipos laranxas. “Estanse cumprindo os obxectivos, a actitude de traballo é boa. Estou moi contento coa actitude do grupo, sobre todo cos máis novos, que están respondendo moi ben; os xogadores levan pouco tempo xuntos pero aínda así xa se palpa a boa relación que existe entre todos” explicaba Juanlu, que, sen darlles demasiada importancia, apuntou aos amigables desta semana como un bo termómetro para analizar o traballo de pretempada; “medirnos a rivais de entidade serviranos para ver onde estamos, coa preparación xa bastante avanzada”. O técnico laranxa tamén agradece que os problemas físicos estean respectando o equipo nun período con moita carga de traballo.
Neste sentido, tamén falou Quico Otero: “Estamos adquirindo un bo ton físico; realizamos moitas sesións e iso nótase en sobrecargas, algo normal en pretempada, pero debemos pensar en que todo o que traballemos agora vai sumar para despois. Hai que traballar para estar se non ao 100% si ao 90% para o 7 de setembro, coa Supercopa” aseguraba o adestrador burelista, valorando tamén a entidade e os acertados reforzos do seu próximo rival, o Ponte Ourense.
Vilalba FS 0-10 Burela FS
Os goles laranxas brillaron nas primeiras probas de pretempada para os conxuntos da Mariña. A escuadra de Juanlu regresou de terras chairegas con 0-10 sobre o Peugeot Vilalba FS, de Terceira, no Memorial Francisco Javier González Vázquez. Nas filas burelistas participaron Brais, Mimi, Jorge, Iago Míguez, Isi, Juanma, Hugo, Matamoros, Christian, Antoñito, Carlitos, Alemán, Álex e Edu.
Goles: 0-1, minuto 16, Iago Míguez; 0-2, minuto 23, Alemán; 0-3, minuto 27, Mimi; 0-4, minuto 28, Mimi; 0-5, minuto 25, Hugo; 0-6, minuto 32, Jorge; 0-7, minuto 33, Matamoros; 0-8, minuto 33, Matamoros; 0-9, minuto 33, Matamoros; 0-10, minuto 34, Iago Míguez.
Viaxes Amarelle 2-3 Burela FS
As pupilas de Quico Otero tamén superaron o primeiro amigable con éxito; impuxéronse por 2-3 ao tamén honorable Viaxes Amarelle. “Nos 12 primeiros minutos houbo bastante igualdade, enfrontámonos a un rival ben colocado e con xente moi corpulenta, con certa lentitude lóxica pola nosa parte, motivada pola carga de traballo. Pouco a pouco fomos soltándonos, conseguimos ser superiores e reducimos enormemente as súas ocasións” analizaba o técnico viveirense.
Por parte do Viaxes Amarelle FSF xogaron Leti, Lucía Nespereira, Lago, Dolo e María, no cinco inicial ademais de Patricia, Musta, Luci, Cruz e Montse. No Burela FS Pescados Rubén saíron Patri, Peque, Maite, Lidia e Bea Mateos no cinco inicial; tamén xogaron Silvia, Lara, Claudia e Paula.
Goles: 1-0, minuto 9, María; 2-0, minuto 12, Patricia; 2-1, minuto 14, Claudia; 2-2, minuto 22, Bea; 2-3, minuto 33, Lidia.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
