A xornada festiva empeza o venres 16 ás 9 da noite cunha torresmada e chourizada e a actuación do grupo folk do momento: Tumba e Dálle, para continuar con Residuos Atractiv@s, un grupo de recente creación que recolle a mellor tradición dos grupos folk-rock e tamén a esencia verbeneira, para rematar cun grupo verbeneiro por excelencia como son os viveirenses Agua Marina,con sons latinos e música dos 70 e dos 80, liderado por Caxete que para esta ocasión e exclusivamente estrearán o tema “Merengue de San Caetano”.
O sábado 17, a partir das 12 da mañá empeza o concurso de tortillas. Á 1 haberá misa na capela en honra a San Caetano. Despois actuará o cuarteto tradicional Xaramolo. E desde Sarria chega a charanga Madia Leva, formada por 12 membros que animarán a romería todo o día interpretando un variado repertorio: ska, rock, pasodobles, rancheiras, pop, música de sempre…
A partir das dúas da tarde haberá tortilla de balde para tod@s. Pola tarde haberá xogos para nen@s e maiores, tiro da corda, carreira de sacos…. E haberá un espectáculo circense a cargo da compañía Circo Chosco. Á noite verbena, baile do farolillo e chocolatada ao remate da festa.
Esta é unha festa participativa na que non hai espazo para o aburrimento. A festa facémola entre todos, aquí os protagonistas son os romeiros, axudados polos maravillosos músicos…gaiteiros, trompetistas, pandereteiras, acordeonistas que non farán gozar cada minuto. Reivindicamos a esencia das romerías, das nosas festas, das nosas verbenas, e reivindicamos a dignidade dos músicos que actúan en sinxelos palcos de lona.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
