Ribadeo, 19 de outubro de 2026. Acisa fai un balance moi positivo da XII Gala Anual celebrada onte no Parador de Turismo e á que asistiron máis de 120 persoas.
O evento serviu para conmemorar o Premio Nacional de Comercio Interior que a asociación recibiu hai uns meses e os 37 anos de vida de Acisa. No acto foron entregados os galardóns 2026 ao relevo xeracional a Valentina Fernández e Marta Rico del Río, de Valentina e Del Río, avoa e neta por garantir a continuidade deste histórico comercio ribadense; como negocios emblemáticos recibiron o seu galardón Chocolates Moreno e Ribanzo, que recolleron María José Ríos e tamén Manuel Fernández e Tito Díaz; o galardón a toda unha carreira foi para Lorenzo Ruiz Misioné y María Soto Fernández, propietarios de Carnicería Soto Misioné, da praza de abastos, que acaban de xubilarse; e o premio ao espírito emprendedor recibiuno Fini Suárez, propietaria de Galán.
Na Gala de Acisa foron homenaxeados todos os presidentes da asociación. Foron nomeados socios honoríficos e ribadenses do ano: Andrés Tojal e Pablo Vizoso, ambos a título póstumo, o recoñecemento foi recollido por Sara Crecente Tojal, sobriña de Andrés Tojal e Diego Vizoso Castro, fillo de Pablo Vizoso; Gervasio Cao, Francisco Iriarte, Roberto Rivas, Roberto Ramos, David Martínez e Carmen Cruzado tamén recolleron o seu agasallo de mans do padriño da Gala, o xornalista e escritor José Ribagorda, e do xerente da asociación ribadense, Jesús Pérez.
Interviñeron na quenda de discursos a presidenta e o xerente de Acisa, Carmen Cruzado e Jesús Pérez; o deputado responsable da Área de Medio Rural e Mar, Dani García; o director xeral de Comercio da Xunta, Gabriel Alén; a presidenta da Deputación de Lugo, Carmela López; e o alcalde ribadense, Dani Vega. Tamén asistiron a esta cita o delegado territorial da Xunta en Lugo, Alfonso Villares; a concelleira de Comercio, Marta Saiz; e representantes das Asociacións de Comerciantes de Foz e de Burela, entre outros.
Desde Acisa Ribadeo a súa presidenta, Carmen Cruzado, dixo que “foi unha velada moi emotiva para os galardoados de 2026 e tamén para todos os presidentes da asociación homenaxeados a pasada noite. Queremos agradecer a asistencia de todos eles a este evento que serviu para compartir experiencias e cambiar impresións. Grazas a todas as administracións polo seu apoio constante e a todas as empresas patrocinadoras e colaboradoras coa Gala de Acisa Ribadeo. Para nos é moi importante contar con todas elas”.
O xerente de Acisa, Jesús Pérez, agradeceu “a presenza do escritor e xornalista José Ribagorda, que foi o padriño desta XII Gala Anual de Acisa. E tamén ao xornalista Baruk Domínguez, que foi o encargado de conducir a velada na que conmemoramos o Premio Nacional de Comercio Interior, que recibimos a principios deste 2026 en Toledo, así como o 37 aniversario de Acisa Ribadeo. A de onte foi unha noite especial e o balance que facemos é moi positivo”.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
