Ribadeo, 28 de agosto de 2013. Setenta persoas participan desde hoxe ata o vindeiro venres, 30 de agosto, no II Fórum de Innovación e Formación sobre Vehículos, que se celebra en Ribadeo organizado pola Asociación de Profesores de Automoción de Galicia (APAGA).
O acto de inauguración tivo lugar ás nove e media desta mañá nas instalacións do hotel O Cabazo. Alí o presidente de APAGA, Álvaro Doural, subliñou “a importante colaboración das entidades, cada vez vemos que hai unha maior implicación da empresa privada, entidades que están moi interesadas neste tipo de actividades e en que este fórum se siga a manter aquí en Ribadeo. Xa digo, esa colaboración é unha colaboración máis ou menos grande, dependendo do volume da empresa, pero todas son verdadeiramente importantes. O fórum faise grazas á todo este tipo de empresas e institucións que nos axudan a poñer en marcha esta iniciativa”.
Doural engadiu que “o ano pasado tivemos como complemento ao primeiro fórum a exposición de vehículos eléctricos, de vehículos híbridos. Este ano, a partir do venres, haberá unha exposición de vehículos clásicos, esperamos que o tempo nos axude e que non haxa problemas do tema da choiva”.
O alcalde en funcións de Ribadeo, Vicente Castro, deulles a benvida aos asistentes ao II Fórum de Innovación e Formación sobre Vehículos, e dixo que “estes segundos foros veñen sendo a continuidade das antigas xornadas de automoción que se celebraron no IES Porta da Auga ó longo de tantos anos”.
Castro animou á Asociación de Profesores de Automoción de Galicia “a seguir formando novos profesionais, a seguir adiante con estas xornadas técnicas nun sector que é clave na economía e sobre todo nunha economía tan tocada como a que temos agora mesmo, a seguir formando profesionais nun sector, como dicía, que é de constante renovación e innovación tecnolóxica. Desexarvos que estes días de fórum sexan rendibles e de proveito e, sobre todo, desexar continuidade a este fórum, que siga no tempo que é importante para o sector e para os profesionais desta comarca”.
Na inauguración tamén interviu Gelasio Garea, representante de Axa Seguros, que manifestou que “nos gusta colaborar onde podemos estar, no desenvolvemento e no avance de todo o que representa a parte de automoción, non se nos escapa de que, como grupo diverso que somos, a parte de automóbil e a parte de todo tipo de seguro de danos e demais, somos unha entidade a nivel mundial e polo tanto, forma parte tamén da nosa obriga o estar neste tipo de eventos, o estar tamén desenvolvendo, innovando e indo, como diría o outro, cos tempos”.
No II Fórum de Innovación e Formación sobre Vehículos analízanse estes días aspectos coma as novas arquitecturas eléctricas-electrónicas dos vehículos PSA, os sistemas Common Rail en Bosch, o cambio automático no 7G-DCT e a presentación da nova clase S de Mercedes-Benz España, born electric de BMW e a tecnoloxía dos neumáticos Pirelli. As ponencias son polas mañás e polas tardes haberá obradoiros sobre sistema e elementos de seguridade, equipos de soldadura Lincold, pulido de aceiro inoxidable, soldadura, sistemas multiplexados, climatización…
E o venres, 30 de agosto, ás 11:30 da mañá será inaugurada a I Mostra de Coches Clásicos que se poderá ver de xeito totalmente gratuíto nos xardíns do hotel O Cabazo ata o vindeiro domingo, 1 de setembro. Un evento organizado coma complemento ao fórum.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
