Lugo, 9 de Agosto de 2013. O Contrato de Explotación Sustentable (CES), enmárcase no Programa de Desenvolvemento Rural de Galicia para o período 2007-2013, destinado a ellora do medio ambiente e do entorno rural e para o uso sostible das terras agrícolas. Inclúe diversas axudas dirixidas a remunerar aos agricultores polas funcións territoriais, sociais e ambientais que se derivan de determinados sistemas agrícolas e gandeiros, pretendendo tamén reforzar a sustentabilidade das explotacións.
Un proxecto posto en marcha pola Consellería do Medio Rural do goberno do BNG, que xunto ao Banco de Terras de Galiza (BANTEGAL), formaba parte dun programa integral que tiña como obxectivo a mobilización da terra e, consecuentemente, facilitar o acceso á terra ás explotacións agrarias galegas. O CES tiña unha duración de cinco anos, durante os cales os labregos/as comprometíanse a cumprir unha serie de requisitos medioambientais a cambio dunha compensación económica por parte da administración.
A chegada do Partido Popular á Xunta de Galiza en 2009 supuxo a paralización deste programa, primeiro deixando ao BANTEGAL practicamente sen actividade e a continuación imposibilitando a formalización de novas solicitudes do CES. Debemos lembrar que o último ano no que se aprobaron expedienes do CES foi no 2010, despois da campaña que levou a cabo FRUGA, chegando perante o Valedor do Pobo, e que supuxo que case 850 explotacións máis se sumaran ao CES.
Alén diso, os expedientes do CES xa iniciados, e que non se podían anular, sufriron continuos recortes baixo novos “criterios de interpretación da normativa” así como atrasos inxustificados nos pagamentos. Todo isto baixo cambios de política na transmisión de información entre Xunta e labregos/as: agora xa non hai notificacións por escrito, os asinantes do CES non saben canto van cobrar nin cando, iso si, tendo que cumprir escrupulosamente os mesmos compromisos asinados inicialmente.
Recentemente, a Consellería do Medio Rural e do Mar (CMRM) emitiu un comunicado anunciando “a bombo e pratillo” anunciando a importancia das axudas do CES e gabándose de “transferir” máis de 12 millóns de euros a case 4.000 explotacións galegas, principalmente gandeirías de vacún, tanto de leite como de carne, correspondentes aos anos 2011 e 2012.
Desde FRUGA valoramos este anuncio como dunha torpeza e dun desprezo absoluto cara o sector de vacún galego: a Xunta de Galiza rematou co CES, non admitiu novas solicitudes nos tres últimos anos, simplemente ten que continuar cos expedientes aprobados ata completar os cinco anos contemplados inicialmente. Tamén temos que lembrar que estes pagamentos correspóndense a parte das anualidades de 2011 e 2012, cando aínda quedan partes destes expedientes sen pagar e incluso algún do 2009.
A eliminación do CES faise máis incomprensible sabendo que o 57,56% destas axudas son financiadas por fondos comunitarios, e o 42,44% restante son completados con fondos da Xunta e do Ministerio de Medio Ambiente, Rural e Mariño a partes iguais, é dicir, a Administración Galega paraliza unilateralmente o CES, “perdendo” as granxas galegas de recibir fondos europeos porque a Xunta non quere aportar o seu vinte e pouco % das axudas.
Por todo iso, esiximos á Xunta que manteña o CES no futuro, peza clave para o mantemento da viabilidade económica de moitas granxas galegas á vez que denunciamos a súa falta de seriedade na comunicación das súas actuacións.
Coincidindo co aniversario do nacemento de Rosalía e da morte de Cunqueiro, o restaurante ribadense ofrece unha versión do Caldo de Gloria e dous pratos inspirados na obra gastronómica do mindoniense —empanada e ostras en escabeche— como forma de achegar a literatura galega á mesa.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
