Burela, 2 de agosto de 2013. A campaña Separemos ben, reciclaremos mellor, impulsada pola Consellería de Medio Ambiente e Sogama coa participación de Ecoembes e Sistemas Integrados de Xestión de Pilas ten coma obxectivo principal explicar aos veciños de Burela a importancia da reciclaxe e a necesidade de contar coa súa colaboración para que os beneficios que este reporta a nivel medio ambiental, económico e social sexan unha realidade en Galicia.
Na explanada portuaria burelesa instalarase mañá un vehículo adaptado que de 11 a 14 horas e de 17 a 19 horas ofrecerá información sobre os hábitos e comportamentos a poñer en marcha para posibilitar que a reciclaxe sexa unha realidade. Serán educadores especializados os que se encarguen de explicarlle á poboación todo o que precisan saber. Segundo explica a concelleira de Medio Ambiente, Patricia López Eijo, “os que así o desexen terán a oportunidade de consultar dúbidas, corrixir erros e incluso poñer a proba os seus coñecementos a través de enquisas deseñadas ad hoc. Os nenos, pola súa banda, poderán disfrutar dun xogo xigante de reciclaxe, un instrumento que lles permitirá divertirse e aprender os conceptos esenciais que deben ter en conta para realizar unha correcta separación do lixo nos seus fogares e na escola, así coma no tempo de lecer”.
Desde a Concellería de Medio Ambiente e desde a organización da campaña sinalan que “como produtores de lixo que somos, todos debemos asumir a nosa responsabilidade para que lonxe de ser unha ameaza e un problema medio ambiental de primeira magnitude, se converta nunha oportunidade para a protección do entorno, para o crecemento económico e para o benestar social. Do aparentemente inservible pódese chegar a obter un extraordinario rendemento si se xestiona de xeito eficaz e eficiente”. E engaden que “así o di Europa, que insiste en cualificar os residuos coma elementos con grande potencial desde todas as frontes. O reto non é outro que camiñar cara a denominada sociedade europea de reciclado, un concepto perfectamente asumido polos países máis avanzados e respectuosos co medio ambiente, cuxo modus operandi segue fielmente os preceptos normativos comunitarios, que dan comezo coa prevención e a redución, continuando coa reutilización, a reciclaxe e a valorización material e/ou enerxética da fracción resto, reservando o vertido, única e exclusivamente, para aqueles materiais que, dadas as súas características, non poden ser sometidos ás operacións anteriores”.
López Eijo fai unha chamada á participación na campaña Separemos ben, reciclaremos mellor, que este sábado estará en Burela.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
