Cervo, 23 de agosto de 2013.- O Festival Arroutada volverá soar de novo o próximo xoves despois de que a Concellería de Xuventude, que dirixe Yolanda Pedreira, recuperase este evento musical pensado para a mocidade. O Concello de Cervo deu este venres a coñecer os grupos que forman parte do cartel.
Neste regreso da Arroutada o departamento de Xuventude optou por contar con grupos locais, como son o Clan Maragato e GLS, ambos de San Ciprián e tamén por conxuntos da provincia de Lugo, en concreto de Vilalba, como son Postergel e Mi perro Vincent. Un evento no que colabora a Asociación Anxuela.
O alcalde de Cervo, Alfonso Villares, a edil de Xuventude, e varios compoñentes dos grupos locais deron hoxe a coñecer o programa, que comezará ás 19:00 horas cunha actuación sorpresa no porto de San Ciprián. O prato forte será ás 22:00 horas, cando arrinquen as actuacións dos grupos da Arroutada 2013.
Nesta ocasión, o festival desenvolverase na praza dos Campos, sendo a primeira vez que este espazo público acolle este evento musical. “A praza dos Campos é un emprazamento ideal pola súa amplitude pero tamén por atoparse no centro da vila e practicamente á beira do mar, polo que agardamos que a nova ubicación sexa un atractivo máis deste evento” explica Pedreira.
En canto á oferta musical da Arroutada, cabe destacar a variedade de estilos que se poderán escoitar, dende o folk fusión do Clan Maragato, o punk rock de Mi perro Vincent, o power pop de Postergel e as mesturas de funk e soul de GSL. “Un cartel completo, co que pretendemos ofrecer unha xornada lúdica especial á nosa xuventude” engade a edil.
Os grupos da Arroutada 2013
O Clan Maragato conformouse no 2004 a partir de compoñentes do grupo Mistura de Lieiro, cun amplo repertorio de temas con base folk, de creación propia ou adaptacións de cancións tradicionais, e algúns deles recompilados no seu primeiro álbum. Os festivais máis relevantes de Galicia contaron coa súa presenza nos últimos anos. Todos os seus membros, agás a cantante, de orixe coruñesa, son de San Ciprián. Repite na Arroutada.
O outro grupo local é GLS, no que a amizade mesturouse coa afección pola música para conformar un grupo que leva xa 13 anos enriba dos escenarios. Un conxunto con cinco compoñentes puramente mariñáns, catro deles de San Ciprián e un de Burela. Máis dunha década deleitando ao público con composicións propias e versións e con estilos que van dende o pop, o rock, e especialmente o funk e o soul. GLS tamén ten participado en anteriores edicións da Arroutada.
Sen saír da provincia de Lugo atopamos a Mi perro Vincent, un grupo vilalbés que ten no seu haber unha maqueta, “Entre los dientes de Godzilla”, coa que teñen participado con éxito en varios concursos de música, e que traballan xa na gravación do seu primeiro disco autoproducido.
Da mesma Terra Chá saen tamén Postergel, que nos seus 10 anos de traxectoria musical poden falar de maquetas e álbums propios, o último deles “Curvatura espacio tiempo”, con 8 temas dos que darán boa conta o próximo xoves.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
