Lugo 9-8-2013.- A voceira do PP na Deputación de Lugo, Elena Candia, acompañada de varios deputados provinciais, ofreceu este venres unha rolda de prensa, para pedir en nome de todo o Grupo Provincial Popular a comparecencia de José Ramón Gómez Besteiro para que explique, de maneira urxente, a trama de asesores do BNG e a xestión do KM0 dentro da súa área de presidencia.
“Os membros do Grupo Provincial do Partido Popular esiximos a comparecencia, inmediata, do presidente do Organismo Provincial co fin de que aclare e de explicacións aos lucenses de feitos de gran calado que están a acontecer nesta Deputación”- manifestou Candia.
A voceira do GPP denunciou que se descoñece por completo a postura e a información do máximo responsable da Deputación, ante asuntos de gran importancia e que son coñecidos por todos.
TRAMA DOS ASESORES DO BNG
Elena Candia denunciou que o GPP descubríu a existencia dun traballador, que estando nomeado e contratado para facer o seu traballo na Deputación Provincial de Lugo, concretamente adscrito a área de cultura, turismo, ensino e normalización lingüística e patrimonio histórico, non desempeñaba funcións nese posto e o seu lugar e a súa responsabilidade estaba na sede do BNG de Foz.
Candia lembrou que preguntado por esta circunstancia na sesión plenaria provincial, o Equipo de Goberno felicitouse desa circunstancia, nun exercicio carente de toda humildade, deixando constancia diso na súa correspondente área.
Neste senso a voceira do PP na Deputación, afirmou que, paralelo e mostra evidente de que esa circunstancia non debía ser tan merecedora de eloxios, o Equipo de Goberno da Deputación de Lugo iniciou un procedemento de corrección de erros para adscribir a ese traballador no Grupo Provincial do BNG.
“Xunto a este proceso de corrección de erros, inícianse outros tres máis de traballadores que estaban en iguales circunstancias”- manifestou Candia, quen engadíu que se trata de procesos públicos que tódalas persoas podemos comprobar se ollamos o Boletín Oficial da Provincia de data 11 de xullo.
A popular manifestou que “compre facer unha mención temporal e retroceder as seguintes datas: ao 23 de agosto do 2011 onde se publica o nomeamento do asesor adscrito á area de cultura; ao 7 de xuño do 2013 onde se mostra que o PP pregunta en pleno sobre a situación laboral deste traballador e ao 17 de xuño do 2013, cando se asina por decreto a rectificación da súa adscrición a outra área, e xunto con el rectificase a situación de outras 3 persoas mais”.
PREGUNTAS A BESTEIRO
Ante esta situación, Elena Candia pregúntalle a Gómez Besteiro, cómo máximo responsable da Institución Provincial, se coñecía esta incorrecta adscrición e se foi cómplice da mesma; qué opinión lle merece esta situación e se o responsable directo, o vicepresidente primeiro da Deputación, Antón Veiga, actúa co seu amparo?
Asemade, Candia tamén formula a Besteiro se comparte o feito de que se pague durante 2 anos a unhas persoas por unhas funcións para as que foron contratadas pero sen desenvolver ese traballo.
KM 0
A voceira do PP na Deputación de Lugo puxo tamén de manifesto que o GPP ten coñecemento de que un xulgado de Lugo está a investigar presuntas comisións de feitos delictivos nunha área de goberno do Señor Besteiro; trátase do Servicio de Protocolo e a xestión do controvertido programa propagandístico, KM0 , que esta a ser investigado polos Tribunais.
“Con claridade o GPP expón que por suposto non quere facer xuizos paralelos, polo que ante todo, presunción de inocencia e máximo respecto á xustiza”- manifestou antes de nada Elena Candia, quen engadíu, acto seguido, que “nos estamos aquí para controlar a acción de goberno e desde logo, esixir explicacións políticas”.
Elena Candia manifestou que estamos a falar dun feito indiscutible, dunha situación que derivou nun Tribunal e lembrou que o PP en sesión plenaria do pasado mes de maio plantexou a creación dunha comisión de investigación e que o Sr. Besteiro e os seus socios de goberno rexeitaron.
Ante esta situación a popular pregúntase por qué Gómez Besteiro non quere que os lucenses saiban a verdade do que está a pasar na área de presidencia e por qué non explica aos cidadáns se era coñecedor da situación vivida na súa área e qué medidas adoptou para solventalas.
Concluíu Elena Candia insistindo, que ante a irresponsable ausencia do Señor Besteiro, quen dende fai meses só aparece para dar titulares na súa xestión interna de partido, o Grupo Provincial Popular pide a urxente comparecencia do presidente da Deputación para dar explicacións posto que a gravidade dos feitos así o esixe e senón o fai, e de maneira urxente, os populares adoptarán tódalas medidas ao seu alcance, tales como a solicitude dun pleno extraordinario e incluso non descartan a personación en algún dos asuntos xurídicos pendentes, nin tampouco por en coñecemento dos Tribunais, en calidade de denunciantes, algúns dos feitos adscritos.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
