Lugo, 22 de agosto de 2013.- Tralas afirmacións recollidas hoxe nos medios en relación á trama de traballadores provinciais liberados ao servizo do BNG, o Grupo Provincial do PP poñerá esta situación en coñecemento dos tribunais para que se depuren responsabilidades.
No informe ao que se refiren os medios, o GPP explica que se recoñece a existencia de erros na denominación por decreto de catro traballadores provinciais, adscritos a unha área de goberno mentres realizaban labores ao servizo do BNG.
Os populares tachan de incuestionable tanto a existencia destes erros, como que os pagos dos salarios destes traballadores os realiza a Deputación, do contrario, os populares ínstanos a que presenten unha nómina.
A maiores, o GPP censura que quede información moi importante sen aclarar sobre onde prestan os seus servizos estes catro traballadores. Dende o Grupo Provincial Popular botan de menos puntualizacións sobre que os catro empregados estean nos seus concellos ofrecendo funcións ao partido político, como é público e notorio na gran maioría dos casos, no lugar de cumprir cos seus deberes recollidos no nomeamento.
Feito que leva un mes denunciando o Grupo Provincial do PP, xa que se pode estar ante unha circunstancia que pode chegar a ser constitutiva dun delito de malversación de fondos. Independentemente de estar adscritos a área de goberno ou ao grupo, o que está claro, matizan os populares, é que están cobrando por uns servizos que non prestan, puntualizan.
Polo tanto, o Grupo Provincial do Partido Popular asegura que este informe confirma a existencia desta situación irregular durante dous anos, dende a publicación dos nomeamentos de Xesús Méndez Rodríguez, Emilio López, Ricardo Rodicio e Xoán Antón Estúa. Asemade, do citado escrito despréndese que foi a raíz das denuncias do Grupo Provincial do PP, tanto a través dos medios como mediante a presentación dunha pregunta plenaria, cando dende a Deputación revisan os citados nomeamentos.
O GPP pide explicacións sobre a localización onde se prestaban os servizos
O GPP tamén censura que o informe non explica un dato importantísimo, -aseguran-: onde prestan os seus servizos os catro traballadores adscritos segundo o primeiro nomeamento a área de Cultura de Deputación Provincial de Lugo.
Os citados traballadores forman parte do persoal eventual do organismo provincial, porén en ningún momento, segundo explican dende o Grupo Provincial do PP, se puntualiza no informe sobre a legalidade de que estes traballadores desempeñen os seus servizos nas sedes do BNG da provincia, situación que na maioría dos casos é pública e notoria.
Tanto antes, cando estaban adscritos a unha área de goberno, como agora que tras a corrección de erros dependen do Grupo Provincial, o que está claro, segundo explican os populares, é que os salarios corren a cargo das arcas públicas provincias.
E polo tanto, dende o Grupo Provincial do PP matizan que os salarios que perciben os integrantes da trama de asesores os aboa a Deputación, mentres é coñecido por todos que as funcións políticas que realizan nos seus municipios non permite a compatibilidade coa súa xornada laboral.
En resume, os populares censuran que este informe que recoñece a existencia de erros, non explique o traballo desempeñado polos catros traballadores e que, polo tanto, os populares se verán obrigados a poñer en coñecemento dos tribunais para que se depuren responsabilidades.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
