Dende o PSdG-PSOE de Burela, como xa temos feito noutras ocasións, temos que saír ó paso da información feita pública este mércores polo equipo de “desgoberno” de Burela con respecto á situación económica do Concello de Burela.
Baixo ningún concepto podemos estar de acordo no que se afirma de que están os pagos todos o día, ¿como poden afirmar isto si nos dous últimos plenos ordinarios do Concello se veñen de autorizar pagos que non estaban recoñecidos por un valor de preto de 90.000 euros (15.000.000 millóns das antigas pesetas)? A nosa pregunta é ¿cantas facturas non recoñecidas quedan nos caixóns sen pagar e cando se pensan pagar?. O equipo de “desgoberno” do Partido Popular de Burela, ó noso entender, está a falsear as contas e non está a contabilizar realmente todo o que queda pendente de pago por parte do Concello.
Outra das preguntas que temos que facer e dar a coñecer os nosos veciños e veciñas é ¿a costa de qué o equipo de “desgoberno” de Burela está a facer os pagos? Nós entendemos que a base de empobrecer ós propios veciños e veciñas de Burela, subíndolles o IBI nun 10% (pagan máis de IBI algunhas vivendas en Burela que en Santiago de Compostela), apagándolles as luces das farolas, subíndolles o custe dos servizos (auga, basura), quitando outros (oficina de turismo), pechando o barco museo Reina do Carmen, cunha inversión en obras e equipamentos igual a cero, e o que é máis grave sen conseguir nin unha soa inversión para o noso pobo, a xestión deste equipo de “desgoberno” do Partido Popular de Burela é un auténtico atraso para o noso pobo.
En definitiva, dende o PSdG-PSOE de Burela voltamos a pedirlle ó equipo de “desgoberno” de Burela que se poña a traballar en sacar a Burela do atraso en que a está a meter e se deixe do seu “famoso” autobombo e de enganar os veciños e veciñas de Burela que nós entendemos que non se merecen os sacrificios ós que están a ser sometidos polo Partido Popular, e ante todo non se merecen que lles mintan.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
