Santiago de Compostela, 08 de ago. de 13. O portavoz de Educación do Grupo Socialista, Vicente Docasar, reclamou este xoves a paralización do decreto de comedores escolares que a Xunta vai aprobar en pleno período estival e que presenten un novo consensuado coa comunidade educativa galega. O parlamentario socialista advertiu que este texto atenta contra a igualdade e prexudica especialmente ao alumnado do medio rural, ao que obrigan a pagar para comer por estudar lonxe da casa.
Docasar traslada de novo a oposición frontal dos socialistas galegos ao decreto de comedores, que supón “un novo ataque á igualdade de oportunidades, neste caso do alumnado transportado e procedente do medio rural”. Esta nova decisión “temos que sumala por desgraza á indignante política de becas do PP e do seu altivo e soberbio ministro de Educación, o señor Wert”.
O decreto será aprobado logo de ter recibido o informe do Consello Consultivo que, apunta o parlamentario socialista, foi aprobado co voto particular en contra da presidenta deste órgano –e polo tanto é aprobado por dous votos contra un-, que “pon en dúbida a legalidade da medida que se quere implantar, pois pode contradicir o artigo 82 da Lei de Educación”.
Apunta que o voto particular salienta que decretos semellantes aprobados recentemente noutras comunidades autónomas, como Aragón, Castela – A Mancha e Valencia, “teñen actuado con maior sensibilidade que Galicia”. Docasar sinala ademais que, malia as melloras recomendadas polo Consello Consultivo, o actual goberno “practica o rodillo parlamentario mentres demostra que non coñece as palabras consenso e escoitar”.
Inconstitucional
O deputado socialista lembra que o decreto que quere impoñer o PP “podería ir contra a Constitución e o seu artigo 27.4, que sinala que “O ensino básico é obrigatorio e gratuíto”. Explica que, con este decreto, un rapaz do medio rural que viva a 20 quilómetros do centro onde está escolarizado non ten a posibilidade real de volver á casa a comer, polo que está obrigado a pagar o comedor escolar.
Adianta que o próximo paso será “entrar a saco no outro servizo básico complementario do transporte escolar”, e reclamou “blindar a gratuidade do alumnado transportado” e esixiulle ao PP “que remate dunha vez por todas coa política de constantes ataques á que está sometendo ao noso medio rural”.
Lembrou así “o peche masivo de escolas unitarias en concellos das catro provincias galegas”, ao que se une o pago do comedor para os alumnos dun medio rural ao que o PP trata como “graneiro de votos” nas campañas electorais pero o deixa “fondamente esquecido” á hora de gobernar.
Ao redor das 16:00 horas deste sábado, a Garda Civil informou ao 112 Galicia da presenza de dúas persoas atrapadas nunhas rochas, ás que a subida da marea impedía regresar a terra. Pouco despois, os xestores do Centro Integrado de Atención ás Emerxencias puideron contactar tamén cos implicados, que indicaron que se atopaban fronte a Pena Furada e confirmaron non podían volver polos seus propios medios. Desde o 112 Galicia alertouse a Salvamento Marítimo, ao Servizo de Gardacostas de Galicia, que mobilizou a auxiliar Mar de Galicia, e ao GES de Ortigueira. A embarcación recolleu en bo estado a ambas persoas, que foron trasladadas ao porto de Cariño.
O mandatario provincial trasladou persoalmente, en nome da institución provincial, as súas máis sentidas condolencias, así como o seu desexo dunha pronta recuperación para as persoas feridas. A continuación Tomé Roca asistiu á misa na igrexa parroquial e, posteriormente, participou na tradicional procesión ata o altar instalado na Nave de Redes do Porto. O percorrido realizouse sobre a alfombra floral elaborada polos veciños e veciñas da localidade, que este ano rende homenaxe á gastronomía e á figura do artista Xosé Vizoso.
Ocorreu na rúa de Viladaide Praia Altar. O 112 Galicia tivo constancia do accidente a través do persoal de Urxencias Sanitarias de Galicia-061, pouco antes das 13 horas: dous vehículos acababan de colidir e unha persoa permanecía no interior dun eles, incapaz de abrir a porta. Os Bombeiros de Barreiros tiveron que empregar o seu material de excarceración para extraer á persoa en condicións de seguridade. No operativo participou tamén a Garda Civil de Tráfico.
A alcaldesa, Dolores García Caramés, foi testemuña do fantástico traballo do alumnado que se afana en elaborar fermosas manualidades con moita dedicación e ilusión. Un espazo de creatividade e convivencia na Casa do Mar grazas á colaboración tamén de Adaoemam A Mariña
A vítima sofrira feridas moi importantes nunha perna. Finaba a primeira hora deste sábado. Outras 5 persoas atropeladas no sinistro continúan en planta no hospital da Mariña.
Este xoves 29 de maio, A A.C. Francisco Lanza organizaou a presentación de “Cartas na escuridade”, de Lois Pérez. Da man de Teresa González Piñeiroa, e do propio autor, xs asistentes descubriron aos poucos pequenas claves da obra que recibiu o Premio Follas NOvas ao mellor libro xuvenil.
O programa está dirixido a nenos e nenas de entre 3 e 12 anos. Desenvolverase de luns a venres nas instalacións do CEIP Manuel Fraga Iribarne entre o 1 de xullo e o 29 de agosto, todos os días en horario de 9:30 a 14:30 horas. Constará de varias actividades coas que os nenos e nenas poderán aprender mentres se divirten. Tamén se tentará, sempre que o tempo permítao, programar diversas saídas.
